نيوزلينډيان اجازه لري چې نړيوال کريکټ له نيږدې وګوري.

خبريال: مدثر دعوت
د نيوزلينډ کريکټ بورډ اعلان وکړ چې د کريکټ مينوال کولای سي راتلونکې لوبې له نيږدې وګوري.
پاکستان کريکټ لوبډله د روان کال په وروستيو کې نيوزلينډ ته ځي او هلته د کوربه لوبډلې سره شل اووريزې او ټيسټ لوبې ترسره کوي.
تر کرونا ويروس وروسته د کريکټ ټولې لوبې د مينوالو په نه شتون کې د بندو دروازو ترشا پيل سوې چې لاهم په همدې حالت کې دوام لري.
خو د نيوزلینډ کريکټ بورډ پرخپلې ټويټر پاڼې ليکلې چې د کريکټ مينوال کولای سي د راتلونکو لوبو لپاره چې د ويسټ انډيز او پاکستان سره ترسره کېږي، ټيکټونه واخلئ.


دوی د ټيسټ لوبو لپاره ۲۵ امريکايي ډالر او ۲۰ اووزيزو لوبو لپاره ۳۰ امريکايي ډالره د ټيکيټ قيمت ټاکلی.
د نيوزلينډ او پاکستان ترمنځ لوبې به د ډسمبر مياشتې په ۱۸مه نېټه پيل سي.

دا به تر کرونا وېروس وروسته لومړی ځل وي چې مينوال د کريکټ کتلو لپاره لوبغالي ته ورځي او د خپلې خوښې لوبډله له نيږدې تشويقوي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي