ژوند بڼه طبیعت کرونا له نړۍ

د انسانانو په نه شتون کې حيوانات له ژونده خوند اخلي

لیکنه: مدثر دعوت

خبريال: مدثر دعوت

د سويلي فريقا د کروګر ملي پارک حيوانات د ځنګلونو راوتلي او پر سړکونو ګرځي.

پخوا به حيوانات يوازي د شپې لخوا د ځنګلونو څخه دباندي ليدل کيدله او په هغه ځايونو کي به ګرځيدله چي د ورځي دخوا انسانانو ترې استفاده کوله،خو د کرونا ويروس خطر اوس هر څه په بل مخ اړولي دي.

د مارچ د ۲۵مي نيټې را پديخوا د سويلي افريقا د کروګر ملي پارک چي بيلابيل حيوانات پکښې دي د انسانانو پر مخ تړل سوی دی.

پړانګان او زمريان به يوازي د شپې لخوا سړکونو ته راوتل خو اوس په عادي ډول د پارکونو څخه دباندي او ياهم په پارکونو کي دننه د ژوند د ارامو شيبو څخه خوند اخلي.

اوس هم د کروګر پارک ځيني کارکوونکي د حيواناتو د خدمت لپاره او د اړتيا پخاطر هلته سته،هغوی وايي ډير وخت وروسته يوځل بيا حيوانات ارام مالوميږي او داسي مالوميږي چي ځنګلونو ته د انسانانو ورتګ ددوی لپاره سر خوږی دی.

د ساوري په نوم کارکوونکی وايي:” زه د حيواناتو څخه ويره لرم،ماچي دا عکسونه نيوله په موټر کي ترې تير سوم، زمريان او پړانګان د موټر سره عادي دي خو که پر پښو ولاړسم خير به مي نه وي.

ددې پارک مسولینو له خلکو غوښتنه کړې چي همداسي په قرنطين کي پاته سي تر څو د ځان او نورو ژوند وژغوري.

ګروګر د سويلي افريقا د غټترينو پارکونو څخه دی چي د ۵ غټو زمريانو په شمول تر سلو ډير حيوانات پکښې ژوند کوي.

Advertisements

د لیکوال/ لیکوالې په اړه

مدثر دعوت

مدثر دعوت هلمند میشتی ژورنالیست دی. د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.

تبصره مو ولیکئ