مارچ 4, 2021

کرونا؛ په هیواد کي د ویروس ورځنی شمېر تر ۳۰۰ کښته سوی

خبریال: فضل الله فضلي
په هیواد کي د کرونا ویروس یا کوایډ ۱۹ تنفسي ناروغۍ مثبتي ثبت سوي پېښي له ۳۰ زرو اوښتي او اوس مهال ۳۰۶۱۶ ته رسېدلي دي.
پدې شمېر کي ۷۰۳ تنه مړه سوي او ۱۰،۶۷۴ تنه بیا له ویروسه روغ سوي دي.
اوس مهال له دولت سره ۱۹،۲۳۹ تنه ثبت سوي، په کرونا ویروس لاهم اخته دي.

په تېرو څو ورځو کي په هیواد کي د کرونا ویروس مثبتي ورځنۍ پېښي تر ۳۰۰ کمي سوي او نن هم تر ۱۶۵ پوري مثبتي پېښي د هیواد په ۱۳ ولایتونو کي ثبتي سوي دي.
ددې ترڅنګ د ۲۰ تنو مړینو او ۳۶۸ تنو د روغېدو خبر ورکول سوئ دئ.
بلخوا د عامي روغتیا وزیر ډاکټر احمد جواد عثماني ویلي چي په هیواد کي د کمو اسانتیاوو له امله لاهم کره شمېر د کرونا ویروس معلوم نه دئ.

نوموړي دا څرګندوني کندهار ولایت ته په خپل سفر کي کړي او همداراز یې په ټول هیواد کي د یوې نوي څېړني، چي له لاري به یې په ټول هیواد کي د کرونا ویروس کره شمېر معلوم کړي، د پیل خبر ورکړ.
ښاغلی عثماني په کندهار کي د کرونا پیسو پر وړاندي د راپورته سوو جنجالونو وروسته سفر وکړ او وې ویل چي ډېر ژر به په کندهار کي د ۱۰۰ مېلیونو افغانیو څخه د مصرف سوو پیسو او فساد په اړه معلومات خپاره کړي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




وروستي مطالب

جلال ابا کې چاودنې یوه ډاکټره ووژله

لیکوال: عاقله اسد - برخه : افغانستان

د راپورونو له مخې، نن سهار د جلال اباد ښار په درېيمه ناحیه کې ماین چاودنې د دې ولایت د حوزوي روغتون یوه ډاکټره وژلې ده. د والي ویاند عطاالله خوګیاڼی وايي پېښه د پاکستان ... نور ولولئ