کرونا؛ په هیواد کي د ویروس ۲۸۵۰ مثبتي پېښي په ۴ ورځو کي ثبت سوي

خبریال: فضل الله فضلي
په هيواد کي په کرونا ویروس یا کوایډ ۱۹ تنفسي ناروغۍ باندي د اخته سوو کسانو شمېر ۱۶۴۹۲ تنو ته ورسېدئ، چي پدې سره افغانستان جاپان او اسرائیلو ته نږدې، خو له عمان، بحرین، جنوبي کوریا، اسټرالیا، مالیزیا او عراق څخه ډېر مخکي سو.
همدارنګه ویروس په هیواد کي ۲۷۰ تنه مړه کړي او ۱۴۵۰ تنه بیا ځني رغېدلي دي.
نن په ټول هیواد کي د ۷۵۹ مثبتو پېښو د ثبت خبر ورکول سوئ، چي ترڅنګ یې ۲۲ تنه له ویروسه روغ سوي او ۵ تنه مړه سوي دي.
د هیواد د ولسمشرۍ لومړی مرستیال امرالله صالح بیا خبر ورکوي، چي د کرونا ویروس به په هیواد کي په راتلونکو دوو میاشتو کي خپل اوج ته ورسیږي.

له ښاغلي صالح مخکي د روغتیا وزارت پخواني وزیر فیروزالدین فیروز له دې ډېر وړاندي ویلي وو، چي ډېر ژر به ویروس په هیواد کي په خپل اوج کي سي.
بلخوا افغان حکومت او کابینې یې د عامي روغتیا وزارت د قرنطین طرحه رد کړه.
کابینې، عامې روغتیا وزارت موظف کړ چې له اړوندو بنسټونو سره په همکارۍ؛ یاده طرحه په دریو ورځو کې د عنوان، د بیاکتنې مراحلو او د مراحلو په محتویاتو کې د وضاحت او د کابینې د نورو غړو اصلاحي نظریاتو ته په پام تصحیح او همداراز د عمل او عامه پوهاوي پلانونه ترتیب او د کرونا ویروس د خپرېدو مخنیوي اضطراري کمېټې د فوق العاده غونډې تر تائید وروسته راتلونکې غونډې ته وړاندې کړي.

تراوسه د کرونا ویروس مثبتي پېښي په پلازمېنه کابل کي تر ۶ زره ډېري، هرات کي نږدې ۳ زره، بلخ کي تر ۱۱ سوه ډېري او ننګرهار کي تر ۸۰۰ ډېري مثبتي پېښي ثبت سوي دي.
بلخوا د کندهار ریفرینس طبي لابراتوار له شاوخوا تېرو دوو اونیو راهسي  خراب دئ او د هیڅ کوم ناروغ د معایناتو نتیجه یې نه ده معلومه کړې.
د کرونا ویروس مثبتي پېښي په ټول هیواد کي ثبت سوي دي، چي کمي پېښي يې په نورستان او اروزګان ولایتونو کي دي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




خلیلزاد: وروستی تاوتریخوالی وحشتناک و، طالبان دې دایمي اوربند وکړي

لیکوال: عاقله اسد - برخه : افغانستان

د افغان سولې لپاره د امریکا د بهرنیو چارو وزارت ځانګړي استازي زلمي خلیلزاد د اوربند د اعلان هرکلی کړی دی. نوموړي په تازه څرګندونو کې ویلي په افغانستان کې د تاوتریخوالي وروستۍ کچه وحشتناکه ... نور ولولئ