کرونا له نړۍ

روسیه: نوامبر کې ۴۰ هېوادونو ته د کرونا واکسین لیږو

خبر: نسیمه محمدي

د راپورونو پر اساس، د روسیې د مستقیمې پانګونې صندوق ټينګار کړی، چې له څلوېښتو زیاتو هېوادونو د کورونا وایروس د پېرلو وړاندیز کړی دی.

کریل دمترئف د دغه بنسټ رییس په یوه مطبوعاتي کنفرانس کې ویلي، چې دا واکسین برازیل، مصر، هند، ازبکستان، مکسیکو، ارجنټاین، وېټنام، اسرائیل او یو شمېر نورو هېوادونو ته صادرېږي.

د نوموړي په وینا د روسیې د بازار د اړتیا پوره کولو وررسته به بهر ته دا واکسین صادر شي.

دمترئف وویل:

فکر کوو، چې د روان کال په نوامبر میاشت کې کولای شو خپل واکسین بازار ته وړاندې کړو او تولید به یې د ټکنالوژۍ څخه په ګټنې بهر کې پیل کړو.”

د یادونې وړ ده چې د روسیې د روغتیا وزارت د اګسټ په ۱۱مه د کورونا وایروس لومړی واکسین د “اسپوتنیک وي” په نامه د لومړي ځل لپاره په نړۍ کې ثبت کړ.

دا واکسین د پانډمي او مایکروبیولوژي ملي څېړنېز مرکز، ګامالي او د روسيې د پانګې اچونې د بنسټ په واسطه جوړ شوی دی.

د روسیې د مستقیمې پانګې اچونې بنسټ د خپلو ونډه والو سره د څلور میلیارده روبل په مرسته، د کورونا وایروس د جوړولو لپاره په روسیه کې پانګه اچونه کړې ده.

د لیکوال/ لیکوالې په اړه

نسیمه محمدي ، کابل

نسیمه محمدي، لېکواله، ژباړنه او د روغتیايي برخې محصله ده. نوموړې یاران ته په بیلابیلو مسالو په ځانګړې توګه روغتیا سره په تړلو موضوعګانو لیکنې، ژباړې او مطالب چمتو کوي. په یاران کې د نسیمې د خپرو شویو لیکنو د بیا خپراوي حق له یاران ادارې سره خوندي دی.

تبصره مو ولیکئ