مارچ 8, 2021

افغانستان کې په انلاین ډول د فوټبال لوبڅارانو او روزونکو ته زده کړه روانه ده

Advertisements

د افغانستان فوټبال فدراسیون د فوټبال نړیوال فدراسیون (فیفا) په غوښتنه اوس په هیواد کي د کرنټين څخه په استفادې انلاین ډول لوبڅارانو او روزونکو ته زده کړه پيل کړی، چې پکښي لسګونه لوبڅاران او روزونکي په انلاین ډول زده کړه کوي.
فیفا د کرونا ویروس تر خپرېدو او د روغتیا نړیوال سازمان تر خبرداري وروسته د فوټبال اړوند ټول فعالیتونه وځنډول او له ځان سره ګډونوالو فدراسیونونو ته یې سپارښتنه وکړه، چې د فوټبال لوبغاړي دي له دې وروسته په خپلو کورونو کي تمرینونه ترسره کړي.
اوس افغان فوټبال فدراسیون د نړیوال فدراسیون په سپارښتنه هیواد کې د فوټبال لوبڅارانو او روزونکو ته په دریو برخو کې په انلاین ډول رزونه پيل کړې، چې پکښې په بیلابیلو برخو کې لسګونه لوبڅارانو او روزونکو ته زده کړه ورکول کیږي.
د افغانستان فوټبال فدراسیون وايي، چې اوس د فوټبال په اړه هر اړخیزه پوهاوی، د لوبڅارۍ روزونه او د پایه فوټبال (غوره لوبغاړو موندل) په برخو کي زده کړه روانه ده.
د فوټبال په اړه د عامه پوهاوي ورکشاپ په نیمروز ولایت کې د اپرېل میاشتي په ‍۱۴مه پيل شوی او د یادې میاشتې تر ۲۰مي نېټې پورې به دوام وکړي.

په دې ورکشاپ کې ۲۴ روزونکو ګډون کړی او تر فراغته وروسته به د D درجې اسناد ورکړل شي.
همدارنګه د فوټبال لوبڅارانو ته ورکشاپ د حلیم آقا شېرزاد او محمد حامد میوندي له لوري پيل شوی، چې څلور ورځې به دوام وکړي.
په یاد ورکشاپ کې ګډونوالو لوبڅارانو ته د لوبڅارۍ برخه کې د نویو قوانینو د رامنځته کېدو په اړه معلومات وړاندې کیږي.
په درېیمه برخه کې بیا د فوټبال روزونکو ته په دې اړه پوهاوی ورکول کیږي، چې څه ډول غوره لوبغاړي د ملي لوبډلي لپاره پيداکړي، تر څو د افغانستان لپاره په راتلونکو کلنو کې ښه وځلیږي.
د افغانستان فوټبال فدراسیون وايي، چې په انلاین ډول تر تیوري زده کړو او قرنطین وروسته به دغه ورکشاپونه په عملي ډول هم ګډونوالو ته وښودل شي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




نادري: د امریکا نوي وړاندیزونه تر بحث لاندې دي

لیکوال: عاقله اسد - برخه : افغانستان

Advertisements افغان مذاکراتي پلاوی وایي د امریکا نوي وړاندیزونه تر بحث او څېړنو لاندې دي. د افغان حکومت د مذاکراتي پلاوي غړي نادر نادري تازه په خپلو څرګندونو کې دا تایید کړې چې خلیلزاد ورسره ... نور ولولئ