اپریل 13, 2021

وروسته تر ۱۸ کلونو په چاه انجير سيمه کې د نجونو ښوونځی پرانيستل سو

Advertisements

خبريال: مدثر دعوت
د هلمند ولايت، نادعلي ولسوالۍ اړوند چاه انجير سيمه کې د نجونو لپاره ښوونځی پرانيستل سو.
چاه انجير هغه سيمه ده چې څو ورځې وړاندې ترې د جګړې خبرونه اوريدل کېدله خو نن يوځل بيا د پرمختګ او ابادۍ خبرونه راځي.

د ولسمشر محمد اشرف غني په ځانګړې لارښوونه د ښار جوړوونې وزارت په بودیجه د ۲۶ میلونه او ۴ لکه افغانیو په ارزښت په دوه پوړه کې د نجونو يو باب ښوونځۍ جوړه او نن د هلمند والي تورنجنرال محمد یاسین له لوري پرانیستل سوه.

د هلمند والي ددې ښوونځۍ د پرانيستلو په مراسمو کې وويله چې ښوونځی په معياري ډول جوړ سوی او د پوهنې رياست ته یې لارښوونه وکړه چې د زده کړو د بهير د پيل لپاره ورته امکانات برابر کړي.

ياسين خان د چاه انجير د سيمو د خلکو لپاره دا يو فرصت وباله او غوښتنه يې وکړه چې خپل ماشومان ښوونځۍ ته ولېږي تر څو ددې سيمې نجونې هم د زده کړو څخه برخمنې سي.

د هلمند د پوهنې رئيس داود شاه صفاري وويله چې دا ښوونځی ۱۶ ټولګۍ لري،د تشنابونو،شاوخوا ديوال ترڅنګ يې ټولې چارې په معياري او بنسټيز ډول رغول سوي.

صفاري زياته کړه چې ډېر ژر به ددې ښوونځۍ لپاره د ښوونکو ترڅنګ د زده کړه ئيز بهير د پيلېدو لپاره ټول اړين مواد بشپړ کړي.

د چاه انجير د لېسې مدير عبدالمنان شهيد زاده او خلکو د هلمند والي او پوهنې رياست څخه مننه وکړه چې تر ۱۸ کلونو وروسته يې په چاه انجير کې د نجونو لپاره معياري ښوونځی جوړ کړ.

کليوالو ژمنه وکړه چې د ښوونځۍ د زده کړو په معيار او د ودانۍ په ساتلو کې به تل مرسته کوي او نظارت به ورباندې کوي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




وروستي مطالب

د ناروغ پوښتنه اسلامي کړنه او د ناروغ پر روغتیا ښه اغېز لري

لیکوال: صدیقه پوپلزۍ، کابل - برخه : ټولنیز ژوند

Advertisements ليکنه او راټولونه اسلامي اخلاق او قوانین او په اسلام کې د الله تعالی د عبادت لپاره لارښوونې او د اسلام عقیدوي مفاهیم دا ټول د یو ټولنیز هیکل په جوړښت، او د مینې ... نور ولولئ