افغانستان

خلیفه برج نن د افغانستان په درې رنګه بیرغ پوښل کیږي

لیکنه: محمدصابر حمیدي

په متحده عربي اماراتو کې د افغانستان د سفارت او دوبۍ کې د افغان جنرال قونسلګرۍ په هڅو او د اماراتو دحکومت په همکارۍ به نن سې شنبه د نړۍ پر دنګې ودانۍ برج خلیفه باندې د افغانستان بیرغ رڼا شي.

په متدحده عربي اماراتو کې جنرال کونسل مسعود احمد عزیزي وايي، چې د افغانستان د ۱۰۱یمي کلیزي په ویاړ به نن ماخستن ۸:۴۵ دقیقې برج خلیفه د هیواد په درې رنګه بیرغ وپوښل شي.

مسعود احمد عزیزي پر خپلې رسمي فیسبوک پاڼې لیکلې:

«د جنرال کونسل ښاغلي مسعود احمد عزیزي په هڅو او د متحده عربي اماراتو په همکارۍ د افغانستان د خپلواکئ د بیرته تر لاسه کولو یو سلو او یوم کال په ویاړ، په نړۍ کې د ټولو څخه د لوړې ماڼۍ ( برج خلیفه) د افغانستان په دری رنګه بیرغ روښانه کړي.»

دا به دوهم ځل وي، چې د نړۍ لوړ پوړې ودانۍ«برج خلیفه» د هیواد په درې رنګه بیرغ پوښل کیږي.

دا ودانۍ تېر کال هم د افغانستان د ۱۰۰مي کلیزې په ویاړ د هیواد په درې رنګه بیرغ پوښل شوې وه.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ