افغانستان سپورټ کرکټ وزش او تمرین

له شپږیزي وروسته په هیواد کي دوهم لیګ په بُست زون کي پیل سو

فضل الله فضلي

په کور دننه افغانستان کي د شپږیزه شل اوریز کرکیټ غوره لیګ وروسته په بُست زون کي د بُست غوره لیګ دوهم لیګ دئ، چي ترسره کیږي.

ددې شل اوریز لیګ پرانیستني مراسم تېره ورځ د کندهار کرکیټ په عمومي لوبغالي کي ترسره سول.

د لیګ په مراسمو کي د کندهار د والي په شمول د نورو ورزشي ادارو مسؤلینو او لوبغاړو ګډون کړی وو.

پدې لیګ کي ۵ لوبډلي، حیات د میوند اتلان، الفرهاد ابراشیم کاروان، ناصر افغان بالاحصار زلمیان، نعمت الله اختیارالدین قلعه ستوري او د یاسین خان بُست ساتونکي پکښي لوبیږي.

دې لیګ سوداګریزه بڼه خپله کړې او د خپلواک مبایل شرکت لخوا یې مالي ملاتړ هم کیږي.

همداراز د لیګ د ټولو لوبډلو مالي ملاتړ سوئ دئ.

ددې لیګ سیالۍ چي نن د میوند اتلانو او بُست ساتونکو لوبډلو ترمنځ پیل سوې، د رواني سپټمبر میاشتي تر ۳۰ نېټې پوري دوام پیدا کوي او په ۹ ورځو کي پای ته رسیږي.

ددې لیګ په پای کي لومړۍ لوبډلي ته جام، دوهمي ته نایب قهرماني او غوره لوبغاړو ته مختلفي لويي جایزې هم ورکول کیږي.

ددې لیګ مسؤلین وايي چي ددې لیګ لپاره یې بولۍ ترسره کړل او هري لوبډلي په ۵ کټګوریو کي لوبغاړي واخیستل.

دوی زیاتوي چي له دې څخه یې هدف د کندهار کرکیټ ته وده، د لوبغاړو تشویق او هڅونه، د نویو ځوانانو راپورته کول او سوداګرۍ ته پرمختګ ورکول دي.

دا په هیواد کي دننه له شپږیزه لیګ وروسته دوهم سوداګریز لیګ دئ، چي په کندهار کي پیلیږي او د کندهار کرکیټران دا د کندهار لپاره یو ستر ویاړ بولي.

دداسي لیګونو په لاره اچول نه یوازي چي لوبغاړو او کرکیټ لوبي ته وده او پرمختګ ورکوي، ترڅنګ یې په زون کي د نویو او استعداد لرونکو ځوانو لوبغاړو ښکارندويي کوي.

د لیکوال/ لیکوالې په اړه

فضل الله فضلي

په کندهار کي د یاران ویب پاڼي لیکوال او ژورنالیست.
زده کړي: کندهار پوهنتون د ژورنالیزم او عامه اړیکو پوهنځی محصل
رسنیزه دنده: ۹ کاله
نوري دندي: هیواد راډیو تلوېزیون او افغانستان ورزشي خبریالان فدراسیون کي ورزشي خبریال، د یو خصوصي انستیتوت د عامه اړیکو مدیر، د سولي ږغ ټولني ولایتي غړی او کندهار پوهنتون پاچاخان علمي څېړنيز مرکز د سولي کلب غړی.

تبصره مو ولیکئ