ټولنیز ژوند روغه سټه ژوند بڼه

هغوی ته چې ویښتان یې نشته؛ د ګنجي سر ویښته څنګه رازرغونیدای شي؟

لیکنه: مهر تاج

بلاخره ساینسپوهانو  تر ټولو اسانه لار وموندله چې د انسان په سر څنګه ویښته رازرغونه کړي او دا د ویښتو مینه والو ته یو خاص زیری هم بللی شو .

د نیویارک (  CSU)  ویب پاڼه لیکي چې د  امریکا متحده ایالاتو د نارته ګیرولینا  ایالت پوهنتون  ساینسپوهانو د انسان په وجود کې هغه وړې میکرو ذرې MicroRNA پیدا کړي دي، چې د انسان په وجود کې د ویښتو د زرغون والي سبب جوړیږي .

دا وړې ذرې یا MicroRNA د  MIR 5.218 په نامه یادېږي .

د څیړنېزي ډلې مشر پروفیسر “رینډل بي ټیري” وایي، د حجراتو نه حلقوي دایرنما شیل راوځي، او د دغو شیلونو دنده د حجراتو تر منځ د اړیکو ټینګول دي، کله چې دا اړیکه پرې شي د انسان ویښته ولېږي او د حجراتو منځ کې مایکرو ار این ای موجود ده، دا مایکرو ار این ای اصل کې واړه واړه مالیکولونه دي چې ویښتو د پاتیکیدو سبب جوړیږي .

د پروفیسر په وینا اوس دوی دغه حجرات او مالیکولونه وپیژندل او ټوله پروسه ورته روښانه شوه،  او دوی کولي شي دغه حجرات او مالیکولونه د انسان په وجود کې پیاوړي کړي چې په دې سره یو پک یا ګنجی سړی په اسانه او کمه بیه بیا د ویښتانو خاوند کړي.

د لیکوال/ لیکوالې په اړه

مهر تاج

تبصره مو ولیکئ