د افغانستان او پاکستان ترمنځ نښتو ته د ایران غبرګون: د ترینګلتیا دوام ټوله سیمه خطر کې اچوي

د طالبانو حکومت د بهرنیو چارو وزارت وايي، امیر خان متقي د ایران د بهرنیو چارو له وزیر سید عباس عراقچي سره په ټیلېفوني خبرو کې د پاکستان له خوا د افغانستان د حریم د نقض په ګډون پر ځینو سیمه‌ییزو مسلو خبرې کړې دي. د ایران د بهرنیو چارو وزارت ویلي، “د دوو مسلمانو هېوادونو تر منځ د ترینګلتیا دوام نه یوازې د بشري زیانونو لامل ګرځي، بلکې د ټولې سیمې ثبات هم له خطر سره مخ کوي.”