‘افغان سوداګر، دروند تاوان او پېشکي پیسې’:‌ ولې بلوچستان کې د کوکنارو کښت بې‌ساری ډېر شوی؟

د کوکنارو په کاروبار کې لوی افغان سوداګر نه یوازې ځایي ځمکوالو ته د ځمکې په بدل کې ډېرې پیسې وړاندې کوي، بلکې د دغې ځمکې ټولې حاصلاتي پیسې هم مخکې له مخکې ورکوي.” دا خبره د بلوچستان ادارې یوه لوړپوړي چارواکي کړې ده. له دې امله چې دوی ته د دې موضوع په اړه له رسنیو سره خبرو ته اجازه نه وه، نو دوی د نوم نه ښودلو په شرط بي‌بي‌سي ته وویل، چې ولې ځایي بزګران خپله ځمکه د کوکنارو د کښت لپاره ورکوي.