سپورټ کرکټ وزش او تمرین

د افغان لوبغاړو په شتون کې بېګ باش لیګ پېلېږي

PERTH, AUSTRALIA - JANUARY 05: Mujeeb Ur Rahman of the Brisbane Heat and his team celebrate their 3rd wicket during the Big Bash League match between the Perth Scorchers and the Brisbane Heat at Optus Stadium on January 05, 2019 in Perth, Australia. (Photo by James Worsfold/Getty Images)

د اسټرالیا سوداګریز کرکټ لیګ لسم پړاو د ډېسمبر په لسمه د اته لوبډلو په ګډون پیلیږي.

په دغه لیګ کې راشدخان، محمدنبي عیسی خېل، ظاهرخان، نوراحمد لکڼوال او مجیب الرحمن لوبېږي.

که څه هم لیګ د پنجشنبې په ورځ د ډېسمبر په لسمه د غرمه دولس بجې او ۴۵ دقیقې پیلیږي او لومړۍ لوبه یې د هوبرت هرېکېنز او سېډني سېکسرز لوبډلو ترمنځ ترسره کېږي.

د جمعې په ورځ پکې مجیب الرحمن د ظاهرخان پر وړاندې لوبېږي، مخکې دوی دواړه یوه لوبډله کې و.

مجیب الرحمن سږ کال له بریسبین هیټ لوبډلې سره او ظاهرخان له مېلبورن سټارز سره لوبېږي.

د دې سیالیو پایلوبه د ۲۰۲۱ د فبروري په ۶ مه ترسره کېږي.

راشدخان او محمدنبي په ۲۰۱۷ کې

راشدخان په ۲۰۱۷ کې په اډیلایډ سټرایکرز کې اخیستل شوی و او محمد  نبي عیسی خېل په مېلبورن رېنېګېډز لوبډله کې لوبېږي.

راشدخان په ۲۰۱۷ کې په دغه لیګ کې د ټول ټورنمنټ غوره بالر و، هغه ۱۷ وېکټې اخیستې وې او لوبډله یې هم د لیګ اتله شوې وه.

محمدنبي عیسی خېل هم په توپ اچونه او هم په توپوهنه کې خپل نوم ځلولی و، هغه په یوه لوبه کې په ۲۸ توپونو ۴۰ منډې وکړې او دې چارې د ملېبورن رېنېګېډز لوبډله کې د هغه ځای محکم کړ.

Rashid Khan, Mohammad Nabi confirm new Big Bash League 2020-21 deals

د دې ترڅنګ یې په ۲۰۱۸ کې ۱۴ وېکټې هم اخیستې وې او له درې سوو یې زیاتې منډې جوړې کړې وې.

د مجیب الرحمن کرونا ټېسټ

د تېرې جمعې په ورځ خبر دا و، چې د بریسبین هیټ لوبډلې سپېن یا څوکه بالر مجیب الرحمن کرونا شوی او د ګولډ کاسټ په نامه روغتون ته وړل شوی دی.

له دې وړاندې هر لوبغاړی ۱۴، څوارلس ورځې قرنطین ول، لوبغاړي ټېسټ شول، چې د مجیب الرحمن او د نیپال سنديپ لامیچانی ټېسټونه مثبت ختلي وو.

ترڅو چې مجیب بیرته جوړېږي، نو تر هغې به یې پر ځای اسټرالیایي لوبغاړي لوبېږي.

نور احمد او د لیګ لومړی کال

دا لومړی ځل دی، چې نوراحمد له افغان بهر په یو ستر سوداګریز کرکټ لیګ کې اخیستل شوی دی او له محمدنبي عیسی خېل سره به یو ځای په مېلبورن رېنګېډز لوبډله کې ولوبېږي.

که نوموړی په دغه لیګ کې ښه وځلېږي، نو نورو لیګونو ته به یې د پرمختګ دروازه ورخلاصه شي، ښایي د انګلستان، ټي ټېن لیګ، د هندوستان لیګ او نورو لیګونو کې به یې د اخیستو تقاضا زیاته شي.

 

د لیکوال/ لیکوالې په اړه

سپورټ یاران

دا لیکنه د یاران سپورټ ټیم چمتو کړې

تبصره مو ولیکئ