فبروري 26, 2021

په شرقي المان کې د مېشتو مسلمانانو په لاسونو لومړنی جوړ شوی جومات

ژباړه: حمیدالله حمیدي

د بي بي خدیجې جومات د المان په مرکز برلین ښار کې موقعیت لري، چې په ۲۰۰۸م کې د اکټوبر میاشتې په ۱۶مه نېټه یې د جوړېدوچارې پای ته ورسېدې او د لمونځ کوونکو پر مخ پرانیستل شو.
دغه جومات په شرقي المان کې لومړنی جومات دی، چې د هغه ځای د مېشتو مسلمانانو په لاس جوړ شوی دی.
د بي بي خدیجې جومات یوه لویه ګنبده لري، چې ۴،۵ متره لوړوالی او ۹ متره پراخوالی لري. دغه راز د ۱۳ مترو په لوړوالي یوه ښکلې مناره هم لري، چې مسجد ته یې ځانګړې ښکلا ورکړې ده.
معمار یې مباشر الیاس دی او ټول ټال پرې۱،۷ملیونه یورو لګښت راغلی.
دغه جومات پر یو وخت د ۵۰۰ لمونځ کوونکو ظرفیت لري. د بي بي خدیجې جومات د نارینه او ښځینه‌وو لپاره د لمانځ بېلابېل ځایونه لري، چې د جمعې پر لمانځه سربېره د اخترونو لمونځ هم په کې ادا کېږي.
شاوخوا یې شنو ونو پوښلې ده، چې دغه پاک چاپېریال جومات ته لا ښکلا ورکړې ده.
یاد جومات پر ملا امام سربېره یو مؤذن او د قران کریم د ختم لپاره دوه حافظان هم لري.‌ وخت پر وخت ځایي مسلمانان د جومات له ادارې سره مالي مرسته کوي، چې د ملا امام او مؤذن پر تنخوا سربېره، د جومات د اړتیا وړ توکي پرې اخیستل کېږي.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي


*