د وينې د قند کنټرولولو لپاره دا دوې مېوې وخورئ!

ژباړه: عايشه حيدري

شکر یا د وينې قند داسې یوه ناروغي ده چې کېدای شي د ځینو خوړو په خوراک سره یې کچه ښکته او یا پورته شي.

د برنا د راپور له مخې، د وينې د قند لوړه کچه کولای شي ډېرې ستونزې د بېلګي په توګه عصبي ستونزې، د زړه ناروغۍ، د پښتورګو او سترګو ناروغۍ وزېږوي او ډېری بیا په دې باور دي چې له حد څخه ډېر چاغښت د وينې د قند د لوړوالي لامل کېږي.

له ایکسپریس څخه په نقل، څېړونکو د خپلو نوو څېړنو په پایله کې دا موندلې چې د ځینو مېوو خوړل د وينې د قند د کچې را ټيټېدو لامل کېږي. په نننۍ لیکنه کې غواړو تاسو ته هغه دوې مېوې در وپېژنو چې د وينې د قند د ښکته راتلو لامل کېږي.

نو که چېرې ستاسو د وينې د قند کچه لوړه ده او یا غواړئ چې د وينو د قند کچه مو لوړه نه شي لاندینیو مېوو څخه ګټه واخلئ.

لومړی: مالټه

مالټې په ځانګړي ډول سره مالټه د انټي اکسیډنټ او C ویټامین لوړه کچه لري او د انتوسیانیدین او فلاون یوه غوره سرچينه ده.

همدارنګه په سرې مالټې کې شته سیانیدین۳، ګلوکوزید او دلفینیدین۳ د انسولین ترشح ډېروي او په پای کې په بدن کې د ګلوکوز د زغملو لامل کېږي.

نو د وينې د قند د کچې د ښکته والي لپاره ارومرو له مالټې څخه ګټه واخلئ.

دویم: ټماټر (رومي بانجان)

د مالټې تر څنګ بل ډول ګټور خواړه یا سابه چې د وينې د قند له لوړوالي څخه مخنیوی کوي رومي بانجان دی.

رومي بانجان د انټي اکسیډنټ او لیکوپن غوره سرچینه ده چې په پخولو سره یې ځانګړنې ډېرېږي.

رومي بانجان د زړه له ناروغیو او حملو څخه مخنیوی کوي. همدارنګه د رومي بانجانو د اوبو څښل د وينې د قند د کچې د ښکته والي لامل کېږي. نو د خپلو خوړو په رژیم کې د رومي بانجانو خوړل مه هېروئ.

په پای کې د یادونې وړ ده چې د رومي بانجان او مالټې ترڅنګ ډیرې نورې مېوې او سابه هم شته چې د وينې د قند د کچې د ښکته راتلو لامل کېږي، خو دغه دوې یاد شوې مېوې د نورو مېوو په پرتله د وينې د قند د کچې په ښکته والي کې ډېره ونډه لري.

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي




کرکټ بورډ وايي، تېرو دریو میاشتو کې یې له ۱۰۰ زیاتو شکایتونو ته رسیده‌ګي کړې

لیکوال: محمد صابر حمیدي ، کندهار - برخه : سپورټ

افغان کرکټ بورډ د یوې اعلاميې په خپرولو سره ویلي، د افغانستان کرکټ بورډ ادارې د چارو د لا ښه والي، د لا ډېر شفافیت د رامنځته کولو، ستونزو ته د رسیدګۍ او د ټولو ... نور ولولئ