سپورټ کرکټ

بین سټوکس ټیسټ کرکټ کې نوی ریکارډ جوړ کړ!

د انګلستان کرکټ ملې لوبډلې تکړه الرانډر لوبغاړي بین سټوکس د ویسټ انډیز په وړاندې روانه ټیسټ لوبه کې خپل ځان په یوه نوي نړیوال ریکارډ کې شامل کړ.

بین سټوکس د نړۍ دوهم الراونډر لوبغاړی شو، چې ډېر ژر په ټیسټ لوبو کې ۴۰۰۰ منډې او ۱۵۰ ویکټې اخلي.

دې لوبغاړي په ۶۴ ټيسټ سیالیو کې دې نړیوال ریکارډ ته ځان ورساوه.

اوس ددې ریکارډ په لومړي ځای کې د ویسټ انډيز ګارفیلډ سوبیرز، دوهم ځای کې بین سټوکس، درېیم ځای کې انګلستانی آین بوتام، څلورم ځای کي سوت افریقايي جک کېلیس او پنځم ځای کې بیا هندی کپيل ډیو شتون لري.

ګارفیلډ په ۶۳، بین سټوکس په ۶۴، آین بوتام په ۶۹، جک کېلیس هم په ۶۹ او کپيل ډيو بیا په ۹۷ ټیسټ سیالیو کې ۴۰۰۰ منډې او ۱۵۰ ویکټې پوره کړې دي.

۲۹ کلن بین سټوکس د خپلې ملې لوبډلې ترڅنګ ۹۵ یو ورځنۍ لوبې هم ترسره کړې دي.

هغه په یادو یو ورځنیو لوبو کې ۲۶۸۲ منډې او ۷۰ ویکټې اخیستې دي.

بین سټوک د انګلستان کرکټ په ملې لوبډله کې خورا مخکښ لوبغاړی یادیږي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ

۱ تبصره