هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .

د پولینډ لومړۍ وزیره ترافیکي پېښه کې ټپي شوې

د پولینډ لومړی وزیره بیتا سژیدلو په یوه ترافیکي پېښه کې ټپي شوې، خو ددې ویاند ویلي چې هغه ښه ده او خپلې حکومتي چارې مخته وړلی شي.

د پولینډ د لومړۍ وزیرې د ټپي کیدو په اړه راپورونه وروسته له هغې خپاره شول چې لیموزین موټر یې په وارسا کې په یو ټکر کې ښکیل شو.

د نوموړې ویاند رافال بوښونیک وايي، درې پنځوس کلنه لومړۍ وزیره د یو څه وخت لپاره په وارسا کې په حکومتي روغتون کې بستري ده او ایکسرای عکسونه یې اخیستل شوي دي.

نوموړی دا تایید نه کړه چې ایا اغلې سژیدلو به د سه شنبې په ورځ په حکومتي غونډه کې ګډون وکړی شي او کنه.
په وارسا کې د هغه روغتون ډاکتر چې لومړی وزیره په کې بستر ده وايي، سژیدلو برسیرنه ټپي شوې او یو څه درد یې درلود، خو روغتیايي وضیعت یې د ډاډ وړ دی.

دا له نومبر میاشتې راهیسې په دې هیواد کې د حکومتي لوړ پوړو چارواکو د موټر د ټکر دریمه پېښه ده چې په دې هیواد کې یې د چارواکو د خوندیتوب په اړه پوښتنې راپورته کړي دي.

د ټکر دا پېښه د جمعې په ماښام د پولینډ په ختیځ ښارګوټي اوسویڅیم کې پېښه شوې چې د لومړۍ وزیرې پلرنی ښارګوټي دی او د اونۍ د پای د رخصتۍ تیرولو لپاره ورغلې وه.

راپورونه وايي، د لومړۍ وزیرې موټر د درې موټرو د کاروان منځنۍ موټر و چې یو فیټ ډوله وړوکی موټر پرې شټرینګ وواهه او د لومړۍ وزیرې موټر یې له سړکه وویست چې یوې ونې سره ټکر شو.
په پېښه کې د لومړۍ وزیر موټرچلونکی او ساتونکی هم ټپیان شوي او روغتون کې دي.

په نومبر کې هم د پولینډ د لوړپوړو چارواکو د موټرو کاروان له ترافیکې پېښې سره مخ شوی و چې دوه لوړ پوړي چارواکي یې ټپیان کړي وو. دوه اونۍ مخکې د پولینډ دفاع وزیر هم له یوې ترافیکې پېښې روغ وتلی و. د ۲۰۱۶ م کال په مارچ کې ددې هیواد ولسمشر هم له یوې ترافیکې پېښې سره مخ شوی خو ژوبل شوی نه و.
په ۲۰۱۰ م کال کې د پولینډ د هوايي ځواک یوه الوتکه د روسیې په فضا کې نسکوره شوه چې ددې هیواد د هغه وخت ولسمشر لیخ کاڅژینسکي په کې له ۹۵ نورو کسانو سره ووژل شو.

نور په یاران کې:

دوامداره ناسته له سګریت څکولو هم مضره ده
سریدیوي وايي خپلې دوه لوڼې راته تر بل هر کار مهمې دي
د ويښتو پالنې په اړه څلور پوښتنې چې باید په ځواب یې پوه شئ
ازاد بازار او نامشروع سوداګري
د حزب اسلامي په اړه اشتباه مه كوئ ـ حقپال

ستاسو نظر

خپل نظر مو په تبصره کې ولیکئ

هغوی چې اندریوډ سیستم لرونکی ځیرک ټیلفون کاروي، د یاران اپ له ګوګل پلی سټور خپلو موبایلونو ته ښکته کولی شي. او هلته په یاران کې خپرې شوې ټولې ګټورې لیکنې هره وخت لوستلی شي.  له دې ځایه یاران اپ خپل موبایل ته ښکته کړئ. د اۍ فون لپاره د یاران اپ ډیر زر خپریږي .
/* ]]> */