پوهنه ټولنیز ژوند ځوانان او زده کړې ژوند بڼه کلتور او هنر

بیت الفتوح؛ په لوېدیځه اروپا کې شپږم او د نړۍ په کچه پنځلسم لوی جومات

ژباړه: حمیدالله حمیدي

د بیت الفتوح جومات په لوېدیځه اروپا کې شپږم لوی او د نړۍ په کچه ۱۵ لوی جومات شمېرل کېږي. دغه جومات په ۲۰۰۳م کې د لندن د جنوب لوېدیځ‌مېشتو مسلمانانو لخوا جوړ شوی، چې پر یو وخت د ۱۰ زره لمونځ کوونکو ظرفیت لري.

د بیت الفتوح جومات په ۲۱ زره متره مربع ځمکه کې جوړ شوی، چې ټول ټال پرې پنځه میلیونه او ۵۰۰ زره پونډه لګښت راغلی دی. دغه راز جومات یوه لویه ګنبده، یوه لویه او بله کوچنۍ منارې هم لري، چې جومات ته یې ځانګړې ښکلا ورکړې ده.

جومات د ښځینه لمونځ کوونکو لپاره ځانګړی ځای لري. د بیت الفتوح جومات پر عبادت ځای سربېره ګڼ شمېر نور ملحقات لکه د غونډو لپاره تالار، بېلابېلې ځانګړې خونې او یو لوی کتابتون هم لري. په ۱۳۹۴ هـ کې د جومات په شاوخوا کې اور لګېدنه رامنځته شوه.
د اور وژنې ټیم خپله ټوله هڅه وکړه تر څو جومات ته زیان ونه رسېږي، خو له هڅو سره سره بیا هم د جومات کتابتون او یو شمېر نورو برخو ته په کې زیان واوښت، چې بیا له سره ورغول شوې.

په جومات کې پر پنځه وخته لمونځ سربېره د جمعې او اخترونو لمونځونه هم ادا کېږي، چې زرګونو مسلمانان په کې ګډون کوي.

Advertisements

د لیکوال/ لیکوالې په اړه

حمیدالله حمیدي

حمیدالله حمیدي په 1388 کال کې په کابل کې د افغانستان تخنیکي او مسلکي زدکړو په انستیتیوت (ATVI) کې د کمپیوټر ساینس ډېپارټمنټ څخه فارغ شوی. له ۲۰۱۱ م کال راهېسې سپوږمۍ راډیو سره دنده پیل کړې.
له سپوږمۍ راډیو سره د کار کولو پر مهال یې د پښتو ادبیاتو د شپې پوهنځی لوستی او په ۱۳۹۶ کال کې د کابل د ښوونې او روزنې پوهنتون د پښتو ادبیاتو له څانګې فارغ شوی. حمیدي پر سپوږمۍ راډیو سربیره له نورو رسنیو سره هم همکاري کوي. په دې لړ کې له څه مودې راهېسې د یاران لپاره هم لیکنې چمتو کوي. په یاران کې د ښاغلي حمیدي د خپرو شویو لیکنو د بیا خپراوي حق د یاران له ادارې سره خوندي دی.

تبصره مو ولیکئ