د بنګله دېش لسګونه کرکټ لوبغاړو دېرش لکه ټاکه یا د بنګله دېش هېواد کرینسي ټوله کړې، ترڅو دغه بسپنه د کرونا ویروس اخته کسانو ته ورکړي.
د بنګله دېش لوبډله پیاوړي کرکټ لوبغاړي لري، چې دغه لوبغاړي د بنګله دېش لوبډلې سربېره د نړۍ غوره لیګونو کې د لوبېدو په ترڅ کې پېسې ګټي؛ خو اوس دغه کرکټ لوبغاړي د خپلو معاشونو نیمایي یې د بنګله دېش هغو ۳۹ وګړو ته ورکوي، چې پر کرونا ویروس اخته دي.
دوی اوس ۳۰ لکه بنګله دېشۍ کرینسي جمعه کړې او د دې سربېره د کرکټ په درجه بندۍ مخکښ لوبغاړي خپل نیمایي معاش هم د کرونا ویروس ځپلو کسانو ته ځانګړی کړی دی.
د بنګله دېش کرکټ لوبډله اوسمهال د کرکټ نړیوالې شورا په درجه بندۍ کې یوه مطرح لوبډله ده او لوبغاړي یې د کرکټ نړیوالې شورا سربېره له خپل کرکټ بورډ او هم سوداګریزو کرکټ لیګونو کې د لوبېدو په صورت کې پېسې ترلاسه کوي او اوس یې د خپلو وګړو په ښه لګوي.
تمیم اقبال، شکېب الحسن، مشفق الرحیم، مستفض الرحمن او یو شمېر نور لوبغاړي یې د نړۍ په کچه خورا مشهور دي او نړیوالو لیګونو کې د زیاتو پېسو په بدل کې لوبېږي.
دا چې کرونا ویروس پوله، سرحد، کوچنی، ستر، ښځينه، نارینه، لوبغاړي او نور نه ګوري او د خلکو د ګواښلو سبب کېږي؛ نو ټول خلک مکلف دي، چې د دغه وژونکي ویروس پر وړاندې مبارزه وکړي.
که هغه مالي مبارزه وي او یا هم مالي.
د بنګله دېش کرکټ لوبغاړي چې هر څومره معاش اخلي، نو نیمایي یې پر کرونا ویروس اخته کسانو ته ورکوي، چې درملنه پرې وکړي او هم یې کورکې د لومړنیو توکو رانیولو لپاره وکاروي.
د کرونا ویروس پر وړاندې د تدابیرو یوه برخه دا هم ده، چې ګڼه ګوڼه جوړه نه کړو او ځانونه قرنطین کړو، خو کله چې د قرنطین کېږو، باید کار ونه کړو او د لوړ تهدید په صورت کې له ویروس څخه پټ پاتې شو.
نو کله چې کاروبار د دغه ویروس له امله په ټپه ودرېږي، بیا نو هغه کورنۍ د خوراک ــ پوښاک برخه کې له پوره ستونزو سره مخ کېږي، چې د سهار لري او بیګا نه لري.
نو دوی لاسنیوي ته اړتیا پېدا کوي.
زمونږ بډای او شتمنو هېوادوالو هم پکار دي، چې له غریبانو سره مرستې وکړي.
