سرسکالو سیاست نړۍ

بنګله دېش: متعصبینو د ماشومې جسد له قبره ویستلی او په سرک غورځولی

خبر: ملیحه ناصري

بنګله دېش کې د مذهبي اختلافونو له امله تعصب‌ګرو د یوې ماشومې درې ورځنی جسد له قبره ایستلی او پر سړک یې اچولی و.

د ځايي رسنۍ ډاکا ټربیون د راپور له مخې؛ تعصب‌ګرو دا کار د مذهبي شخړو له امله کړی دی.

ویل شوي د دې ماشوم کورنۍ په احمدیه ډلې پورې اړه درلوده. دا نجلۍ په عادي ډول نه وه زېږېدلې، سره له دې چې روغتیاپالانو خورا هڅه وکړه؛ خو مړه شوه او پر همغې ورځ د کلي په یوه هدیره کې ښخه شوې وه.

تر دې وروسته د احمدیه ډلګۍ څو مخالفو نارینه وو، د دې ماشومې درې ورځنی جسد له لحده ایستلی او د دېوال تر شا یې غورځولی و؛ چې بیا د نجلۍ جسد په بل کلي کې خاورو ته وسپارل شو.

ځايي اوسېدونکو د مجرمانو د سزا غوښتنه کړې ده، خو تر اوسه دا هم نه ده مالومه چې پولیس به اقدام وکړي که نه.

بنګلدیش هم له هغو هیوادونو دی چې د بیلابیلو ډلو پلویان په کې اوسي او تر ډیره په کې د دا ډول افراطي ګامونو راپورونه هم ورکول کیږي.

د لیکوال/ لیکوالې په اړه

ملیحه ناصري

ملیحه ناصري د کابل پوهنتون د ژبو او ادبیاتو د پوهنځي پښتو څانګه لوستې. پر ادبي، کلتوري او ټولنیزو مسلو د یاران میډیا لپاره لیکنې کوي. دلته د ملیحه ناصري د خپروشویو لیکنو د بیا خپراوي حق یاران میډیا سره خوندي دی.

تبصره مو ولیکئ