سپورټ کرکټ وزش او تمرین

شپږیزه: نن بندامیر او میس‌عینک پایلوبې ته د وتلو په موخه لوبیږي

لیکنه: محمدصابر حمیدي

د شپږیزه کرکت لیګ اووم پړاو په دویمه کوالیفایر لوبه کې نن ماپښین یوه بجه بندامیر او میس‌عینک کرکټ لوبډلې یو د بل په وړاندې د سیالي ډګر ته کښته کیږي.

ننۍ لوبې ته بندامیر او میس‌عینک دواړو لوبډلو د پوره چمتوالي خبر ورکړی.

افغان کرکټ بورډ پر خپلې رسمې فیسبوک پرون لیکلې وه:

کابل بازان، میس‌عینک، بُست ساتونکي او بندامیر هغه لوبډلې دي، چې دویم پړاو ته یې لاره پيداکړه.

په لومړۍ کوالیفایر لوبه کې پرون سهار کابل بازان او میس‌عینک لوبډلې سره ولوبېدې، چې کابل بازانو بریا خپله کړه او پایلوبې ته ووته.

په ایلیمینېټر لوبه کې بیا پرون ماپښین بُست ساتونکي او بندامیر لوبډلې سره ولوبېدې، چې بندامیر بریا خپله کړه او دویمه کوالیفایر لوبې ته یې لاره پيداکړه، خو بُست له سیالیو سره مخه ښه وکړه.

اوس په دویمه کوالیفایر لوبه کې نن ماپښین یوه بجه بندامیر او میس‌عینک سره لوبیږي.

د ننۍ لوبې ګټونکې لوبډله سبا چهارشنبه ماپښین یوه بجه د کابل بازانو لوبډلې سره د شپږیزه کرکټ لیګ پایلوبه ترسره کوي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ