افغانستان اقتصاد ژوند بڼه سرسکالو

د باغیس په قادس ولسوالۍ کې ۲۰۶ بڼونه جوړ شوي

لیکنه: بشر درویش
خبر: بشر درویش

د بڼوالۍ د محصولاتو د کیفیت ښه کولو او د تولیداتو د کچې لوړولو په پار دکرنې وزارت د یوې پروژې له خوا، د بادغیس ولایت په قادس ولسوالۍ کې ۲۰۶ بڼونه جوړ شوي دي.

کرنې وزارت یوه خبرپاڼه کې ویلي؛ دغه جوړ شوي بڼونه د مڼې، غوزانو، آلو، زردالو او انګورو بڼونه دي.

د یادې ولسوالۍ د «قادس خوردک» کلي یو تن بڼوال عبدالعظیم، چې مخکې یې په لس جریبه ځمکه کې په دودیزه توګه بڼوالي کوله ډېر لږ حاصل به یې تر لاسه کول، خو کله چې دکرنې وزارت د ملاتړ تر چتر لاندې راغی نو محصولات یې ډېر او کیفیت یې هم ښه شو.

سرچینه زیاتوي؛ دغه راز د قادس ولسوالۍ یو تن بل بڼوال حفیظ الله هم، تر هغه وروسته چې د کرنې وزارت د پروژې د ملاتړ تر چتر لاندې راغی تېرکال یې په سیمه ییزو بازارونو کې ۲۱ زره کیلوګرامه مڼې خرڅ کړل. سږکال یې د حاصلاتو کچه دوه چنده زیاته شوې ده.

د لیکوال/ لیکوالې په اړه

بشر درویش

بشر درویش د یاران د کاري ټیم غړی دی، چې پر بیلابیلو مسلو د یاران لپاره راپورونه او مطالب چمتو کوي

تبصره مو ولیکئ