اپریل 14, 2021

په مېوو کې د ستنو راوتل؛ د اسټرالیا د مېوو بازار ولې خراب شوی؟

Advertisements

ژباړه: بشردروېش
په اسټرالیا کې یوه نوې غوغا جوړه شوې. خلک نه یوازې د ځمکني توت؛ بلکې نورو مېوو په اخیستو او استعمال کې هم زړه نازړه او له ډاره ډک چلند کوي.
دا ګډوډي ترهغې وروسته رامنځته شوه، چې په ځينو مېوو لکه: ځمکني توت، مڼو او کیلو کې د خوراک پر وخت یې د ځینو خلکو خولې ژوبلې شوې او ستنې پکې ننوتي.
د یوه مېوه پلورونکي نیول کیدل
چارواکو ویلي، چې د نیوسالټ ولز یو ځوان مېوه پلورونکی یې په مېوو کې د ستنو خښولو په تور نیولی.
ویل شوي، چې دغه ځوان په پلورل کیدونکو ځمکنیو توتانو کې ستنې منډلي دي.
د پولیسو په وینا دغه ځوان خپله ځان ورسپارلی او اعتراف یې کړی، چې د دغه جرم مرتکب شوی دی.
یاد شوي ځوان پولیسو ته ویلي، چې دغه کار یې د ټوکې او شوخۍ په ډول کړی و.
ترهګریزه پېښه
د اسټرالیا لومړي وزیر اسکات موریسون دغه کار ترهګرۍ ته ورته عمل او بزدلانه کار ګڼلی.
هغه ویلي، چې د دا ډول پېښو له عاملینو سره به د مجرمینو په توګه چلند وشي.
د لومړي وزیر په وینا دوی ته به هم د عامه نظم د ګډوډولو او هم مېوو ته د زیان رسولو له کبله له ۱۰ تر ۱۵ کلونو پورې بند په برخه شي.
د ځمکنیو توتانو را ټولول
له دې پېښو وروسته د اسټرالیا له ګڼو مېوه پلورنځیو څخه ځمکني توتان را ټول کړل شوي دی.
د اسټرالیا دولت خلکو ته سپارښتنه کړې، چې د مېوه اخیستو او استعمال پروخت له پوره احتیاطه کار واخلي.
د کروندګرو ۱ میلیون ډالره تاوان
د وروستیو پېښو له کبله یوازې د ځمکنیو توتانو کروندګرو ته تر ۱ میلیون ډالرو پورې تاوان اوښتی.
یو شمېر خلکو له دغو زیانمنو څخه د ملاتړ لپاره د مرستو ټولولو کمپاینونه پيل کړي.
ځاني زیانونه
تراوسه د هغو کسانو شمېر دقیق نه دی، چې ستنه لرونکې مېوې یې خوړلي او له دې کبله زیانمن شوي.
خو راپورونه ښيي، چې ګن کسان د داسې مېوو د خوراک په وجه تر روغتونونو رسیدلي.

وروستي مطالب

د ناروغ پوښتنه اسلامي کړنه او د ناروغ پر روغتیا ښه اغېز لري

لیکوال: صدیقه پوپلزۍ، کابل - برخه : ټولنیز ژوند

Advertisements ليکنه او راټولونه اسلامي اخلاق او قوانین او په اسلام کې د الله تعالی د عبادت لپاره لارښوونې او د اسلام عقیدوي مفاهیم دا ټول د یو ټولنیز هیکل په جوړښت، او د مینې ... نور ولولئ