وسلوالو د افغان فلم پر مشهورې فلمي لوبغاړې صباسحر حمله کړې

خبريال: مدثر دعوت
د افغان سېنما پر مشهورې فلمي لوبغاړې صباسحر نن سهار د ناپېژاندو کسانو له لوري وسلواله حمله سوې.
د صباسحر د کورنۍ غړي وايي چې دا نن سهار د کور څخه د خپلې دندې پر لور روانه وه چې څو وسلوالو ورباندي د کابل ښار د نوي کارتې په سيمه کې حمله کړې او زخمي کړې يې ده.

تر اوسه کومې ډلې ددې حملې مسوليت ندی منلي او نه هم دا انګېزه مالومه ده چې ولې ناپېژانو کسانو ورباندې ډزي کړي.
صبا سحر د کابل اوسېدونکې ده چې د فلمي لوبغاړې او فلم جوړولو ترڅنګ د ملي پوليسو په ليکو کې هم دنده لري.

دا د “صبا فلم” بنسټ ايښودونکې ده چې د خپلې کمپنۍ له لارې يې ۳ ځانګړي فلمونه هم نندارې ته وړاندې کړيدي.
۴۴ کلنه سحر د هغو هنرمندانو له ډلې څخه ده چې په افغان سېنما کې يې نوښت راويستلی،دې په “قانون” فلم کې د مرکزي رول ترڅنګ د لارښودې رول هم اجرا کړی.
د افغان فلم رئيسې صحرا کريمي او د بخښنې نړيوال سازمان پر صباسحر وسلواله حمله غندلې.

Be the first to comment

Leave a Reply

Your email address will not be published.




وروستي مطالب