افغانستان: د سیمه ییزې اجماع په اړه د ملګروملتونو د استازي هڅې وستایل شوې

خبر: بشر درویش – ياران
د افغانستان د بهرنیو چارو سرپرست وزیر او د افغانستان لپاره د ملګرو ملتونو د ځانګري استازي ولیدل.
د افغانستان د بهرنیو چارو وزارت یوه خبرپاڼه کې ویلي چې د بهرنیو چارو سرپرست وزیر محمد حنیف اتمر د افغانستان لپاره د ملګرو ملتونو له ځانګړې استازې میرمن دبوره لیونز سره ولیدل او په بیلابیلو مسایلو یی ورسره خبرې وکړې.
خبرپاڼه کې ویل شوي چې دواړو غاړو د افغان دولت او طالبانو د استازو ترمنځ په نږدې راتلونکې کې د جوړیدونکې غون‌ډې او همداراز د امریکا او طالبانو ترمنځ د دوحې د هوکړه لیک د پلي کولو په تړاو د وروستیو پرمختګونو، چې پکې د تاوتریخوالي کمول، د سیمه ایزې اجماع او تفاهم لپاره د روانو هڅو، د سولې د بهیر، بشر دوستانه اوربند لپاره د افغانستان د ملاتړو هېوادونو د همکاریو جلب، د قید او شرط پرته د بین الافغاني مذاکراتو د پیل او د افغان دولت او طالبانو ترمنځ د بندیانو د آزادولو په اړه تفصیلي خبرې وکړې.

د ځانګړي استازي ستاینه

خبرپاڼه کې زیاته شوې؛ د افغانستان د بهرنیو چارو وزارت سرپرست د خبرو پر مهال له طالبانو سره د افغان دولت د سولې د بهیر د بریا او د سیمه ایزې اجماع د رامنځ ته کولو لپاره د ملګرو ملتونو د ځانګړي استازې د هڅو ستاینه وکړه او هیله یی څرګنده کړه چې دغه هڅې به د بین الافغاني مذاکراتو د ژر پیل سبب شي.
دا په داسې حال کې ده چې ویل کیدل د روانې جون میاشتې پر پنځلسمه د سولې بین الافغاني مذاکرات پيل شوي وای، خو ځنډیدلي او اوس ویل شوي چې دا مذاکرات به د روانې میاشتې په پای کې پيل شي.
خلک د مذاکراتو ژر پيل او ورسره دایمي اوربند او سولې ته په تمه دي او هیله لري چې په افغانستان کې روانې بدمرغې ګګړې ته به د پای ڼکی کیښودل شي.
 

Be the first to comment

Leave a Reply

Your email address will not be published.




وروستي مطالب

ښځه او د پښتنو کورنی نظام

by زمزمه غزل ، کابل in ژوند بڼه

پښتنه ټولنه کې یو دروند بوج د نجلۍ ودول دي، او دا خو یې بېخي پېچلې مسئله ده، چې یوه جینۍ څنګه کور او څرنګه خاوند ته ودېږي. هسې خو په پښتنو کې کې یو ... نور ولولئ