د پاکستان کرکټ بورډ د آسیا جام په کوربتوب ټینګار کړی

یاران سپورټس
د پاکستان کرکټ بورډ ویلي چې دوی به د آسیا جام کوربتوب په پاکستان کې کوي، نه دوبۍ کې!
د پاکستان د کرکټ بورډ چېئرمېن یا مشر ویلي، چې تر اوسه په پاکستان کې د آسیا جام کېدل یقیني دي او دوی چمتو دي، چې د دې جام کوربتوب په بریالیتوب سره وکړي.
احسان ماني زیاته کړې چې د هندوستان لخوا په پاکستان کې د آسیا جام ردول دوی اندېښمن کړي.
د هند او پاکستان ترمنځ د کرکټ په کوربتوب په داسې حال کې د نظر اختلاف دوام لري، چې نږدې یوه لسیزه کېږي، چې په پاکستان کې کرکټ نه و او لس کاله وروسته پاکستان ته کرکټ په نسبي ډول ستون شوی دی.
پاکستان د ۲۰۱۹م په اوږدو کې په پاکستان کې د کرکټ ترسره کولو لپاره هڅې خورا چټکې کړې او پایله یې هم ورکړې ده.
سریلانکا، بنګله‌دېش، زِمبابوې، د نړۍ یوولس کسیزې او د ویسټ انډیز لوبډلو له ۲۰۱۷م څخه پاکستان ته سفرونه کړي او سختو امنیتي تدابیرو کې یې له ستونزو پرته بریالۍ لوبې وکړې.
د پاکستان د کرکټ بورډ مشر احسان مانی په داسې حال کې پاکستان کې د آسیا جام کوربتوب خبره کوي، چې څو ورځې وړاندې د هندوستان د کرکټ بورډ رییس سوراف ګنګولي وویل، چې راتلونکی آسیا جام چې د سپټمبر په میاشت کې ترسره کېږي، کوربتوب به یې دوبۍ او یا هم له پاکستان پرته بل هېواد کوي.
احسان ماني ویلي: “پاکستان چې د آسیا جام کوربتوب کوي، د کرکټ نړۍ ته ښه خبر دی، خو د هندوستان مهرباني په دې برخه کې ډېره مهمه ده.”
پاکستان ظاهراً د آسیا جام لپاره شرایط برابر کړي، ځکه چې د پاکستان سوداګریزې کرکټ لوبو اوس په پاکستان کې روانې دي، چې د نړۍ له ګوټ، ګوټ څخه پکې لوبغاړو برخه اخیستې ده.
د پي ایس ایل سیالۍ د مارچ میاشت په ۲۲مه پایته رسېږي.
په ۲۰۰۹م کال په پاکستان کې د سریلانکا په لوبډله وسله‌وال برید وشو، چې له هغې وروسته په پاکستان کې نړیوالې کرکټ لوبې بندې شوې او اوس پکې نړیوالو لوبو ته تیاری روان دی.

Be the first to comment

Leave a Reply

Your email address will not be published.







وروستي مطالب

شکېب الحسن خپلې غوسې جرمانه کړ

by سمیع الله درانی in سپورټ

  د بنګله‌دېش پیاوړي الراونډر شکېب الحسن د جمعې په ورځ د بنګله‌دېش په داخلي ډیویژن لیګ لوبو کې د اېل بي ډبلیو اپیل څخه وروسته غوسه شو، وېکټې یې لومړی په لغته ووهلې او ... نور ولولئ