سپورټ کرکټ

د افغانستان په بریا د سریلنکا او بنګله دیش برخلیک هم ټاکل کیږي 

KOLKATA, INDIA - MARCH 17: Noor Ali Zadran of Afghanistan is bowled by Rangana Herath of Sri Lanka during the ICC World Twenty20 India 2016 match between Sri Lanka and Afghanistan at Eden Gardens on March 17, 2016 in Kolkata, India. (Photo by Vivek Prakash-IDI/Getty Images)

د ۲۰۱۸ م کال د کرکټ اسیايي شورا لخوا د اسیا جام سیالۍ د پاکستان او بنګله دیش په بریاوو سره پیل شوې دي، چې نن پکې افغان لوبډله هم خپل بخت ازمايي.

د دې سیالیو په دریمه لوبه کې نن افغانستان د سریلنکا د کرکټ ملي لوبډلې سره مخامخ ده، چې د افغانستان په نسبت یې سریلنکا ته ګټل حتمي دي.

افغان کرکټ ملي لوبډله په نننۍ لوبه کې د بریا په خپلولو سره د خپل ځان ترڅنګ د بنګله دیش او سریلنکا برخلیک هم ټاکي، چې پکې به بنګله دیش له افغانستان سره یو ځای دویم پړاو ته ولاړ شي، خو برعکس به سریلنکا د روان جام سیالیو له مخکې تګ څخه د کور په طرف رخصت شي.

د دې جام سیالیو په لمړي راونډ کې ۶ واړه لوبډلې په دوږ ګروپونو ویشل شوې دې، چې د هر ګورپ درې واړه لوبډلې دوه لوبې ترسره کوي، چې د یوې په ګتلو هم تر دویمې مرحلې رسیدللی شي.

سریلنکا په لمړۍ سیالۍ کې بنګله دیش ته ماتې خوړلې ده، نو ځکه خو ورته د افغانستان خلاف لوبه کې بریا خپلول زیات اړین دي، خو بلخوا به د افغانستان د کرکټ ملي لوبډله په همدې سیالۍ کې د سریلنکا په ماتولو دویم پړاو ته د رسیدو په تمه وي. 

د لمړي پړاو څخه ګټونکې ۴ لوبډلې دویم پړاو ته لار پیدا کوي، چې هلته به د درې نورو لوبو د ترسره کیدو وروسته تر پای لوبې ځان رسوي.

احسان الله ساپی

د لیکوال/ لیکوالې په اړه

احسان الله ساپی