د نجیب الله ترکې د مړينې په اړه د ارګ غمشريکي

خبريال: مدثر دعوت
ولسمشر غني: د نجيب ترکې مړينه د افغانستان او کرکټ لپاره یوه لویه ضایعه ده.
وروسته له هغې چې د افغانستان کريکټ ملي لوبډلې اوپنر توپوهونکې نجيب الله ترکي څو ورځې وړاندې د ټکر له امله سخت ژوبل سو ، تېره شپه يې د ۲۹ کلونو په عمر ساه ورکړه.
د نجیب مړينه د کريکټرانو ترڅنګ عامو افغانانو هم د کريکټ لپاره يوه ستره ضايع وبلله.
د هيواد جمهور رئيس محمد اشرف غني د نجيب ترکي د مړينې په اړه خواشني څرګنده کړې او ليکي:
((بسم الله الرحمن الرحیم
نحمده و نصلی علی رسوله الکریم
د افغانستان د کرکټ ملي لوبډلې لوبغاړي نجیب الله تره کي د وفات په مناسبت د جمهور رئیس د غمشریکۍ پیغام
په ډېرې خواشینۍ سره خبر شوم چې د افغانستان د کرکټ ملي لوبډلې پیاوړی لوبغاړی نجیب الله تره کی چې په یوې ترافیکي پېښه کې ټپي شوی و، وفات شو.
انا لله و انا الیه راجعون
نجیب الله تره کي د افغانستان د کرکټ ملي لوبډله کې د افغانستان لپاره ډېر ویاړونه راوړل او په نړیوالو ډګرونو کې یې ملي بیرغ ورپاوه. مړینه یې د افغانستان او کرکټ لپاره یوه لویه ضایعه ده.
د ارواښاد نجیب الله تره کي کورنۍ، د افغانستان کرکټ بورډ، د افغانستان د کرکټ ملي لوبډلې غړو او د کرکټ ټولو مینه والو ته د نوموړي د وفات له امله خپل د ډاډګېرنې او خواخوږۍ مراتب څرګندوم او مرحوم ته د خدای تعالی په دربار کې د فردوس جنت هیله کوم.
محمد اشرف غني
د افغانستان د اسلامي جمهوري دولت رئیس))
نجيب الله ترکی په ۱۹۹۱ز کې د ننګرهار په سرخرود ولسوالۍ کې زېږېدلی وو.

Be the first to comment

Leave a Reply

Your email address will not be published.







سبا د ټیست نړیوالې اتلولۍ پایلوبه پيلیږي

by محمد صابر حمیدي ، کندهار in سپورټ

د ټیسټ نړیوالې اتلولې پایلوبې ته هند او نیوزیلینډ کرکټ ملې لوبډلو لاره پيداکړې، چې د یادو هیوادونو کرکټ بورډونو یادي پایلوبې ته خپلې لوبډلې اعلان کړې.  د ټیسټ نړیوالې اتلولۍ پایلوبه د کرکټ نړیوالې ... نور ولولئ