اپریل 14, 2021

اصغر افغان ۳۳ کلن شو؛ موږ یې د لوبو په اړه معلومات راټول کړي

Advertisements
لیکنه: محمدصابر حمیدي

د افغانستان د کرکټ ملي لوبډلې لوبډلمشر اصغر افغان نن سې شنبه ۳۳ کلن شو.
اصغر په ۱۹۸۷م کال کې د فیبرورۍ میاشتې په ۲۲مه نېټه کابل ولایت کې زېږېدلی.
افغان کرکټ بورډ پر خپلې رسمي فیسبوک پانې هغه ته د کلیزي مبارکي ویلې او لیکلي یې دي:

«افغان د خپلي لوبډلمشرۍ په موده کې د افغانستان لپاره په ۲۰۱۷ز کال کې د ټېسټ سیالیو غړیتوب، د ټېسټ لومړۍ بریا، په ۲۰۱۸ز کال کې د نړیوال جام سیالیو ته د لارموندنې پړاو اتلولي، همدارنګه د شل اوریزه سیالیو دوامداره پرلپسې بریا او ورته نور ویاړونه ترلاسه کړې دي.»

د اصغر افغان لوبې

د ویکپیډیا د معلوماتو له مخي لوبډلشمر اصغر افغان له ملې لوبډلې سره دوې ټیسټ، ۱۰۲ یو ورځنۍ او ۵۹ بیا شل اوریزه لوبې ترسره کړې دي.

ټیسټ لوبې

اصغر افغان لومړنۍ ټیسټ لوبه د ۲۰۱۸م کال په جون میاشت کې د هند خلاف ترسره کړې ده او وروستۍ ټیسټ لوبه یې بیا د ۲۰۱۹م کال په نوومبر میاشت کې د ویسټ انډيز خلاف ترسره کړې ده.
ښاغلي  افغان په ترسره کړو دوو ټیسټ لوبو کې ۲۴۵ منډې جوړي کړې، چې لوړې منډې یې ۹۲ دي.

یو ورځنۍ لوبې

اصغر لومړنۍ یو ورځنۍ لوبه د ۲۰۰۹م کال په اپرېل میاشت کې د سکاټلېنډ په وړاندې او وروستۍ هغه یې بیا د ۲۰۱۹م کال په نوومبر میاشت کې د ویسټ انډيز خلاف ترسره کړې ده.
افغان په ترسره کړو ۱۰۲ یو ورځنیو لوبو کې ۲۰۷۸ منډې جوړې کړې، چې په یوه لوبه کې یې ترټولو ډېرې منډې ۱۰۱ منډې دي.

شل اوریزه لوبې

لوبډلمشر اصغر افغان لومړنۍ شل اوریزه لوبه د ۲۰۱۰م کال په نوومبر میاشت کې د ایرلنډ خلاف او وروستۍ شل اوریزه لوبه یې بیا د ۲۰۲۰م کال په مارچ میاشت کې د ایرلنډ خلاف ترسره کړې ده.
هغه په ترسره کړو ۵۹ شل اوریزه سیالیو کې ۱۰۵۶ منډې جوړې کړې دي، چې په یوه لوبه کې یې تر ټولو ډېرې منډې ۶۲  دي.

 

لومړي کس و اوسه چې پر دې لیکنه نظر لیکي

نظر مو ولیکئ

ستاسو د ایمیل پته نه خپریږي