سپورټ کرکټ وزش او تمرین

اسدالله خان؛ لومړنی افغان چې د یوې بهرنۍ لوبډلې روزنه به وکړې

لیکنه: محمدصابر حمیدي

د افغانستان د کرکټ ملې لوبډلې پخواني لوبغاړي اسدالله خان د متحده عربي اماراتو په لس اوریزه لیګ کې د ډیکن ګلډیټرز لوبډلې سره د روزونکي په موخه تړون لاسلیک کړ، چې په دې سره لومړنی افغان شو، چې د یوې بهرنۍ لوبډلې روزنه به وکړې.

د راپورونو له مخې اسدالله خان د افغان کرکټ ملې لوبډلې د  لوبغاړي ترڅنګ، د ملې او ۱۹ کلنو لوبډلو د روزونکي، د ملې لوبډلې ویډيو انالیست او د افغانستان کرکټ بورډ د اجراییه رییس په توګه دندې ترسره کړې دي.

د متحده عربي اماراتو د کرکټ لس اوریزه لیګ د روانې جنورۍ میاشتې په ۲۸مه نېټه پیلیږي او د فیبرورۍ میاشتي په ۶مه نېټه پای ته رسیږي.

په دې لیګ  کې اته لوبډلې مراتا عربینز، بنګله ټایګرز، ډهلي بولز، نارترن وایررز، ډیکن ګلډیټرز، قلندرز، ابودوبۍ او پوني ډیویلز شاملې دي.

یادو اتو ګډونوالو لوبډلو ته د لوبغاړو د پیر مراسم «بولي» کې ۱۵ افغان لوبغاړي واخیستل شول.

لس اوریزه لیګ کې اخیستل شوي لوبغاړي

محمدنبي، شهزاد محمدي، قیس‌احمد، رحمن‌الله ګربز، مجیب ځدران، نوراحمد لکڼوال، نوین‌الحق، فضل احق، عظمت‌الله عمرزی، حضرت‌الله ځاځی، درویش رسولي، نجیب‌الله ځدران، وقار سلام خېل، کریم جنت او ظاهرخان.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ