سپورټ فوټبال وزش او تمرین

ارسنال په نیمه پایلوبه کې منچسټر سیټي ته ماتې ورکړه!

د انګلستان په حذفي جام کې تېره شپه دوې انګلستانۍ لوبډلې ارسنال او منچسټر سیټي فوټبال لوبډلې یو د بل په وړاندې نیمه پایله کې ولوبېدې، چې ارسنال پکې بریا خپله کړه.

په یاده لوبه کې ارسنال ۲ ګولونه پر ۰ منچسټر سیټي ته ماتې ورکړه.

د ارسنال لپاره دواړې ګولوهنې اُبومیانګ د لوبې په ۱۹مه او ۷۱یمه دقیقه کې ترسره کړې.

په دې بریا سره ارسنال فوټبال لوبډلې د انګلستان حذفي جام پایلوبې ته لاره پيداکړه.

ټاکل شوې ددې جام دوهمه نیمه پایلوبه نن ماخستن د چلسي او منچسټر یونایټیډ لوبډلو ترمنځ ترسره شي.

دا لوبه نن ماخستن ۱۱:۳۰ بجې پیلیږي.

ددې سیالیو پایلوبه بیا د اګسټ میاشتې په لومړۍ نېټه ارسنال لوبډله د ننۍ لوبې له ګټونکي ټيم سره ترسره کوي.

د انګلستان دا حذفي جام د ۱۸۷۱م څخه راوروسته هر کال د لسګونه لوبډلو ترمنځ ترسره کیږي.

ددې جام ډېره اتلولي ارسنال ۱۳ ځلې خپله کړې.

له هغه راوروسته دا جام ۱۲ ځلې منچسټر یونایټیډ، ۸ ځلې چلسي، ۸ ځلې تاتنهام، ۷ ځلې لیورپول، ۷ ځلې اسټون ویلا، ۶ ځلې نیوکاسټل یونایټيډ او ۶ ځلې بیا منچسټر سیټي ګټلی.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ