سپورټ کرکټ وزش او تمرین

ویرات کولي: انوشکا شرما زه په یو ښه انسان بدل کړم

لیکنه: محمدصابر حمیدي

د هندوستان کرکټ ملې لوبډلې مخکښ او نامتو لوبغاړي او لوبډلمشر ویراټ کولي په خپلو تازه څرګندونو کې ویلې، چې انوشکا شرما په یو ښه انسان بدل کړی او دی یوازې کولای شي ورڅخه مننه وکړي.

د نړۍ مخکښ توپوهونکی ویرات کولي څو ځلې منلې، چې انوشکا شرما یې په ژوند کې مثبت بدلون راوستلی او انوشکا د ده لپاره یوه نعمت ګرځېدلې ده.

کولي زیاته کړې:

«زه ډېر خوشحاله یم، چې انوشکا مې د ژوند ملګرې ده. زه مخکې یو بسته لوبغاړی وم، خو عملي انسان نه وم. هغه څه چې زما ټول ذهنیت یې بدل کړ او يو ښه انسان یې راڅخه جوړ کړ انوشکا شرما ده.»

ویرات کولي  او د هند د بالیوډ هنرمندي انوشکا شرما په ۲۰۱۷م کې واده وکړ.

۳۱ کلن ویرات کولي د هند کرکټ ملې لوبډلې لپاره ۸۶ ټیسټ، ۲۴۸ یو ورځنۍ، ۸۲ شل اوریزه او ۱۰۹ بیا فرسټ کلاس لوبې ترسره کړې دي.

هغه په ټیسټ لوبو کې ۷۲۴۰ منډې، په یو ورځنیو لوبو کې یې ۱۱۸۶۷ منډې، په شل اوریزه لوبو کې یې ۲۷۹۴ منډې او په فرسټ کلاس لوبو کې یې بیا ۸۸۶۲ منډې جوړې کړې دي.

ویرات کولي په نړیوال سطحه یو پېژندل شوی لوبغاړی دی، چې د ښې توپوهنې له امله زیات شمېر مینوال لري.

 

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ