سپورټ سینما او موسیقي کرکټ

انوشکا خپل خاوند ته: په زړه پورې لوبه د يوې حاملې مېرمنې لپاره

لیکنه: مدثر دعوت

خبريال: مدثر دعوت

تېره شپه بنګلور په سوپر اوور کې ممبی ته ماته ورکړه.

انوشکا شرما چې د باليووډ سېنما پياوړې لوبغاړې ده او د ويرات کوهلي مېرمن ده د رويالز چلنجر بنګلور لوبډلې د بريا مبارکي يې خپل خاوند ته ورکړې.

انوشکا شرما د خپل انسټاګرام اکاونټ په سټوري کې د بريا دشېبو عکسونه يوځای کړی او خورا خوښي يې څرګنده کړې.

انوشکا ليکي: ” يوه په زړه پورې لوبه د يوې حاملې مېرمنې لپاره، دا څه يوه لوبډله ده”

د حيدر اباد او بنګلور لوبه کې هم انوشکا شرما د خپل خاوند د لوبډلې بريا د کاميابيو پيل بللی وو.

خو کله چې ويرات د پنجاب په وړاندې د لوکېش راهول دوه کېچونه ميس کړه د نورو تر څنګ پخواني هندوستاني کريکټر سونيل ګواسکر چې اوس مبصر او کمينټر دی د هماغې لوبې پرمهال يې پر ويرات خورا تند ګوزار وکړ، چې انوشکا يې سخته په غوصه کړې وه.

ګواسکر ويلي وه چي زما په فکر ويرات په ټول قرنطين کې د انوشکا پر توپونو تمرين کړی.

انوشکا په ځواب کې ورته په ټويټ کې ليکلي وه چې ښاغلس ګواسکره زه درته احترام لرم خو زما او د کهولي شخصي ژوند کې باید دومره هم ژور ولاړ نسئ او بل داچې ايا د ويرات د خرابې لوبې زمه واره زه يم؟

وروسته ګواسکر موضوع سمه کړې وه او انوشکا ته يې ويلې وه چې زما مقصد د قرنطین پرمهال چې تاسو کریکټ کاوه هغه وو بل مقصد مه ځيني اخله.

ويرات کوهلي په تېرو درو لوبو کې د سوپر اوور په شمول ټولې ۲۳ منډې کړي نو ځکه مبصرین ورباندې بیلابېل نظرونه او تبصرې کوي.

انوشکا شرما او ويرات کوهلي مياشت وړاندې پر ټولنېزو رسنيو ليکلې وه چې دوی د ۲ څخه ۳ کېږي او د راتلونکې کال په جون میاشت کې به د دوی اولاد نړۍ ته راسي.

د لیکوال/ لیکوالې په اړه

مدثر دعوت

مدثر دعوت هلمند میشتی ليکوال ژورنالیست دی, د یاران لپاره په سپورټي او نورو برخو کې لیکنې کوي. په یاران کې د ښاغلي دعوت د لیکنو د بیا خپراوی حق له یاران سره خوندي دی.

تبصره مو ولیکئ