خواړه خوندیتوب روغه سټه ژوند بڼه

د انګورو زیات خوړل دا زیانونه لري

ژباړه: نسیمه محمدي

د کرنې متخصص د زیاتو انګورو خوړلو، زیانونه په نښه کړل.

په روسیه کې د کرنې متخصص، ولادېمیر ویکولوف، په خپله راډیویي مرکه کې د زیاتو انګورو خوړلو زیانونو په اړه خبرې وکړې.

د نوموړي په وینا، د انګورو ټول ډولونه په زیاته اندازه د ګلوکوز او فرکتوز قند لري، چې په بدن کې ډېر چټک جذبېږي.

دغه متخصص وویل:

لیدل کېږي چې که تاسې د یو کیلو ګرام په وزن د انګورو یوه خوشه وخورئ، ۱۵۰ ګرامه فرکتوز وینې ته داخلېږي او دا د بدن لپاره یوه جدي ضربه ده.

پر دې سربېره، په منظم ډول د انګورو په تاکونو کې د آفتونو څخه د هغوی د ساتنې لپاره کیمیاوي مواد کارول کېږي.

د انګورو تاکونه زیاتره په هغو سیمو کې کېنول کېږي، چې ځمکه نور زیات کیمیاوي مواد، لکه مس، ګوګړ او نور مواد هم لري او په انګورو کې د دغه موادو په زیاته کچه د جذب احتمال شته دی.

انګور جنتي میوه ده، چې د A, B, C وېټامینونه لري. همدارنګه په لوړه اندازه مګنیزیم، کلسیم، اوسپنه، فسفر، پوتاشیم او البومین لري.

په مناسبه اندازه روزانه د انګورو خوړل ستونزه نه جوړوي، خو که روزانه په زیاته اندازه وخوړل شي، جانبي عوارض لرلای شي.

وړاندې له دې راپورونو کې وویل شول، چې د انګورو زړي د E, A, K وېټامین او طبیعي غوړو لرونکي دي. دا ټول مواد د حجرو له پیاوړتیا سره مرسته او له زړښت مخنیوی کوي. پردې سربېره، انګور د استروجن – رسوتورال ګیاهي مادې لرونکي دي، چې د وینې کلسترول او د وینو د رګونو التهاب کموي.

د لیکوال/ لیکوالې په اړه

نسیمه محمدي ، کابل

نسیمه محمدي، لېکواله، ژباړنه او د روغتیايي برخې محصله ده. نوموړې یاران ته په بیلابیلو مسالو په ځانګړې توګه روغتیا سره په تړلو موضوعګانو لیکنې، ژباړې او مطالب چمتو کوي. په یاران کې د نسیمې د خپرو شویو لیکنو د بیا خپراوي حق له یاران ادارې سره خوندي دی.

تبصره مو ولیکئ