افغانستان سرسکالو سیاست

صالح: کابل ښار کې ٥٠٠ لوړې ودانۍ جريمه کېږي

راپور: نسيمه محمدي

د ولسمشرۍ ماڼۍ لومړى مرستيال وايي، تر اوسه نږدې پنځه سوه لوړې ودانۍ په نښه شوي او د سرغړونې په خاطر به جريمه شي.

امرالله صالح د ولسمشرۍ ماڼۍ لومړي مرستيال، نن سهار د جدي ٢٢مه په خپله فېسبوکپاڼه ليکلي دي، چې دا وروستي ارقام نه دي او شايد زياتوالى پکې راشي.

نوموړى وړاندې زياتوي:

“موږ وکولاى شول، چې نږدې ٥٠٠ لوړې ودانۍ په کابل ښار کې په نښه – انځور اخستنه او د جريمې او سرغړونې له پلوه تخمينوو. دا چې څه بايد وکړو، دا دوسيې د تقريبي ديد لپاره وړاندې کوي.”

د لومړي مرستيال په وينا، د کابل ښار ډېرې جوړې شوې لوړې ودانۍ، د زلزلې پر وړاندې د مقاومت تصديق نه دى ترلاسه کړى او که دا سند په لاس کې ونه لري، دولت د هر ډول پېښو د رامنځته کېدلو پر وړاندې مسووليت نه لري.

“د زلزلو له نظره دا لوړې ودانۍ ډېرې زياتې مهمې او حياتي دي. کومې ودانۍ چې اوس جوړې شوي دي، بايد پر زلزلې د مقاومت تصديق لاسته راوړي.”

بل پلو امرالله صالح، د جريمو او سرغړونو په وړاندې د مقررې وضع، کابينې ته تر لس نورو ورځو پورې وځنډېدل.

د لیکوال/ لیکوالې په اړه

نسیمه محمدي ، کابل

نسیمه محمدي، لېکواله، ژباړنه او د روغتیايي برخې محصله ده. نوموړې یاران ته په بیلابیلو مسالو په ځانګړې توګه روغتیا سره په تړلو موضوعګانو لیکنې، ژباړې او مطالب چمتو کوي. په یاران کې د نسیمې د خپرو شویو لیکنو د بیا خپراوي حق له یاران ادارې سره خوندي دی.

تبصره مو ولیکئ