آميب د کومې ناروغۍ سبب کېږي؟

  • ژباړه: شپنه سلګۍ

آمیب د کومې ناروغۍ سبب کېږي؟
د آمیب نښې کومې دي؟
د امیب تشخیص او درملنه څنګه کولای شو؟
آمیب یو پرازیټ دى چې د سیست یا په ساده ژبه د آمیب د هګۍ په بڼه په ناپاکو اوبو یا نیم پاخو خوړو له لارې بدن ته ننوځي او بلاخره د بدن په غټو کولمو کې ځای پر ځای کېږي.
د امیب نښې
۱ – د نس درد، د نس باد او قبضیت؛
2 – په آمیب آخته ناروغان د څلوریشتو ساعتونو په اوږدو کې ممکن یو ځل ‌‌‌‌‌‌ډکې متیازې وکړي او هغه هم د نس له دردونو سره مل وي؛
۳ – مړه تبه، د زړه بدوالی، د مقعد دردونه او په ‌‌‌‌‌‌ډکو بولو کې د بلغم موجودیت، په ‌‌‌‌‌‌ډکو بولو کې د وینې موجودیت او اسهالات؛
۴ – که چیرې د آمیب ناروغي نسبتاً ځڼډنۍ شي، نو ناروغ بیا بار بار تشناب ته د ‌‌‌‌‌‌ډکو بولو لپاره ځي او ‌‌‌‌‌‌پر دې حالت کې د وینې شتون په ‌‌‌‌‌‌ډکو بولو کې ممکن دی؛
۵ – په تدریجي توګه د وزن او اشتها کمېدل.
د آمیب تشخیص
۱ – د ‌‌‌‌‌‌ډکو بولو مایکرسکوپي معاینه؛
۲ – په ‌‌‌‌‌‌ډکوبولو کې د آمیب د آنټیجن شتون؛
۳ – کولونسکوپي.
نوټ: د آمیب لپاره د کولنسکوپۍ معاینه کې باید له enema استفاده ونه شي.
د آمیب بدې پایلې
۱ – د غټو کولمو زخم؛
۲ – کم خوني؛
۳ – د نس دوامداره دردونه؛
۴ – امیبوما: کله چې آمیب د غټو کولمو داخلي دېوال سره ونښلي او ځای پر ځای شي، نو د ګرنولوما ‌‌‌‌‌‌ډوله کتله جوړوي چې د غټو کولمو د بندېدو سبب ګرځېدلی شي؛
۵ – د غټو کولمو سرى کېدل.
د امیب درملنه
له بشپر تشخیص څخه وروسته د آمیب ضد درمل باید لږ تر لږه د پنځو ورځو لپاره وکارول شي.

Be the first to comment

Leave a Reply

Your email address will not be published.







وروستي مطالب

نوین‌الحق: ارمان مي دی، چې IPL کې د ډوهني تر رهبرۍ لاندي ولوبېږم

by محمد صابر حمیدي ، کندهار in سپورټ

د افغانستان د کرکټ ملې لوبډلې چټک توپ‌اچونکي نوین‌الحق په خپلو تازه څرګندونو کې ویلې، ارمان یې دادی، ترڅو د هند کرکټ ملې لوبډلې پخواني لوبډلمشر او په آی پي ایل سیالیو کې د چینای ... نور ولولئ