هيلي د ډهوني نړيوال ريکارډ مات کړ!

خبريال: مدثر دعوت
د اسټراليا ښځينه کريکټ ملي لوبډلې ويکټ ساتونکي اليزا هېلي د ډهوني ريکارډ مات کړ.
د هندوستان کريکټ ملي لوبډلې پخوانی ويکټ ساتونکي مهندرا سينګ ډهوني په شل اووريزو لوبو کې تر بل هرچا ډېر لوبغاړي سوځولي وه.
نوموړي د ويکيټ کېپر په حيث د ۲۰۰۶ز څخه بيا تر ۲۰۱۹ز پورې په ۹۸ نړيوالو شل اووريزو لوبو کې ۹۱ لوبغاړي سوځولي وه چې پدې کې ۵۷ کېچونه او ۳۴ سټمپونه دي.

خو اليزا هيلي چې د اسټراليا کريکټ ملي لوبډلې برحاله ويکټ ساتونکې ده تر ډهوني واوښتله او نن يې ۹۲يم لوبغاړی وسوځوی،دې په ۱۱۳ نړيوالو شل اووريزو لوبو کې ۴۹ سټمپونه ترسره کړي او ۴۳ کېچونه يې نيولي دي.
دې دا ريکارډ نن د نيوزلينډ په وړاندې دويمه نړيواله شل اووريزه لوبه کې د لاورين ډون په کېچ سره جوړ کړ.

اليزا چې د اسټراليا لوبډلې اوپنره توپوهونکې ده تر اوسه يې په نړيوالو ۲۰ اووريزو ۱۱۳ لوبو کې ۲۰۶۶ منډي کړي ،۱۲ نيمه سليزې او يوه سليزه لري.

اليزا هيلي د اسټرالياوي توپ اچوونکي ميچل سټارک مېرمن ده چې په ۲۰۱۶ز کې يې واده سره وکړ.

Be the first to comment

Leave a Reply

Your email address will not be published.