اپریل 21, 2021

د الوتنې مکمل ښځینه ټیم؛ له کابله تر هراته ۹۰ دقیقې تاریخي الوتنه

له کابل څخه تر هرات پورې ۹۰ دقیقې الوتنه په افغانستان کې تاریخي وبلل شوه، ځکه چې د پیلوټانو په شمول ټولې الوتکې عمله ښځېینه وي.

خصوصي هوایي شرکت “کام ایر” دغه الوتنه ولمانځله ، او دا یې د افغانستان په تاریخ کې د ښځو لومړنۍ الوتنه وبلله.

که څه هم دا لومړی ځل ندی، چې افغان میرمنو په هېواد کې الوتنې کړي، خو ټولې الوتنې تر دې مخکې نظامي الوتنې وي.

“محدث میرزايي” د کام ایر هوایي شرکت لومړنۍ پیلوټه ده، چې تېره چهارشنبه د کیپتان “ویرونیکا بورسا” سره په ۷۳۷ بوینګ کې د افغانستان له پلازمینې کابل څخه هرات ته الوتنه وکړه. او د الوتکې څلور ښځېینه ؤ خدمت کوونکو د کابل – هرات په لاره کې مسافرینو ته خدمت کاوه، الوتنه د ۲۲ کلنې “محدث” تر ادارې لاندي وه.

د “بیزنیز انسایدر” مجلې په حواله، “جوش کاهل” د هوانوردۍ مشهور پیژندل شوی، چې د مستندو فلمونو جوړونکی دی، د ښځېینه پیلوټانو سره په سفر کې ویلي، چې الوتنه د نورو الوتنو په څېر اسانه او ارامه وه. هغه مجلې ته ويلي ، “د الوتنې عمله د نړۍ د نورو پيلوټانو په څیر خورا مسلکي وه. زه په نورو الوتنو کې هم کابين کې وم او ما د دوی او نورو نړيوالو پروازونو تر منځ هېڅ کوم توپیر نه دی لیدلی.”

دا تاریخي الوتنه د رسنیو له سترګو لېرې وشوه او یوازینی خبریال یې هم “جوش کاهل” و. که څه هم په ټوله نړۍ کې هوایي شرکتونه مشهورتيا خوښوې او غواړي چې د دوی پیغامونه عام شي، خو د افغانستان امنیتي وضعیت داسې دی، چې د پراخه اعلاناتو مخه نیسي.

د حافظې ارزښت

لیکوال: عایشه حیدري ، کابل - برخه : روانې سلامتي

کېدای شي تاسو په ژوند کې د حافظې په ارزښت پوه شئ خو موږ غواړو په دې اړه تاسو ته لږه توضیح درکړو، ځکه چې که تاسو د حافظې د ارزښت په اړه پوه شئ ... نور ولولئ