پوهنه ټولنیز ژوند ځوانان او زده کړې ژوند بڼه کلتور او هنر

جومات الاقصی؛ د مسلمانانو لپاره درېیم مقدس ځای

ژباړه: حمیدالله حمیدي

جومات الاقصی هغه پخوانی جومات، چې زرکلن تاریخ لري او د مسلمانانو لپاره درېیم مقدس ځای بلل کېږي. دغه جومات د (اورشلیم) په جنوب ختیځه برخه کې موقعیت لري.

مسلمانان هغه سیمې ته چې (جومات الاقصی) او (قبته الصخره) په کې موقعیت لري درېیم حرم شریف هم وایي.

ډېره کله خلک د قبته الصخره او د جومات الاقصی د ګنبدې توپیر نه شي کولی په داسې حال کې چې د جومات الاقصی د ګنبدې رنګ شین او د قبته الصخره رنګ طلایي دی.
د اسراء سورت په لومړي آیت کې د جومات الاقصی یادونه هم شوې ده، چې اصلي اشاره یې له جومات الحرام څخه جومات الاقصی ته د حضرت محمد ص د معراج د شپې سفر دی.

په ډېری احادیثو کې راغلي، چې دغه جومات له بیت الحرام څخه ۴۰ کاله وروسته د خدای پاک په امر جوړ شوی دی. جومات الاقصی د دوو حاکمانو عبدالملک بن مروان او ولید بن عبدالملک تر خلافته پورې ډېر پراخوالی نه درلود او هغه وخت د حرم قدسي شریف په نامه یادېده.

په ۶۹۱م کې عبدالملک بن مروان د جومات د پراخوالي لپاره هڅې وکړې او د جومات اوسنۍ بڼه یې جوړه کړه. جومات الاقصی ۱۱دروازې لري، چې اووه دروازې یې په شمالي برخه کې، یوه دروازه په شرقي برخه کې، دوه دروازې په غربي برخه کې او یوه دروازه یې جنوبي برخه کې موقعیت لري.

Advertisements

د لیکوال/ لیکوالې په اړه

حمیدالله حمیدي

حمیدالله حمیدي په 1388 کال کې په کابل کې د افغانستان تخنیکي او مسلکي زدکړو په انستیتیوت (ATVI) کې د کمپیوټر ساینس ډېپارټمنټ څخه فارغ شوی. له ۲۰۱۱ م کال راهېسې سپوږمۍ راډیو سره دنده پیل کړې.
له سپوږمۍ راډیو سره د کار کولو پر مهال یې د پښتو ادبیاتو د شپې پوهنځی لوستی او په ۱۳۹۶ کال کې د کابل د ښوونې او روزنې پوهنتون د پښتو ادبیاتو له څانګې فارغ شوی. حمیدي پر سپوږمۍ راډیو سربیره له نورو رسنیو سره هم همکاري کوي. په دې لړ کې له څه مودې راهېسې د یاران لپاره هم لیکنې چمتو کوي. په یاران کې د ښاغلي حمیدي د خپرو شویو لیکنو د بیا خپراوي حق د یاران له ادارې سره خوندي دی.

تبصره مو ولیکئ