سپورټ کرکټ وزش او تمرین

رییس احمدزی د کرکټ ډایریکټر په توګه وګمارل شو

لیکنه: محمدصابر حمیدي

د ۱۹ کلنو کرکټ ملې لوبډلې روزونکی رییس احمدزی د پخواني کرکټ ډایریکټر او د غوراوي کمېټې مسوول انډي مولز پر ځای د افغانستان کرکټ بورډ ادارې د نوي کرکټ ډایریکټر په توګه وګمارل شو.

د افغان کرکټ بورډ له لوري په خپره شوې خبرپاڼه کې راغلي، چې د رییس احمدزي په ټاکلو سره به ملې لوبډله له تخنیکي اړخ لا ډېره پياوړې شي.

یاده خبرپاڼه کې راغلي، چې رییس احمدزي له دې وړاندې هم د افغانستان کرکټ بورډ ادارې په بیلابیلو تخنیکي څانګو کې په ښه ډول دندې ترسره کړې دي او له خپله ټولو چارو کې بریالی وو.

د یادولو ده چې نوموړی د ملي لوبډلې لوبډلمشر هم پاتې شوی چې د افغانستان په ګټه یې پنځه یو ورځنۍ نړیوالې او اووه شل اوریزې نړیوالې لوبې ترسره کړې دي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ