افغانستان خواړه سپورټ کرونا

هوتک: ۲ کاله کیږي عاید نلرم، خو بیا هم تر خپله وسه مرسته کوم

د افغانستان د آزادي مبارزې تکړه لوبغاړی احمدولي هوتک وايي، چي ۲ کاله کیږي نه سیالۍ او نه هم عاید لرم، خو د خپل توان په اندازه له غریبو هیوادوالو سره مرسته کوم.

احمدولي هوتک پر خپلي رسمي فیسبوک پاڼي لیکلي، چي زه به د خپل غریب ولس ترڅنګ ولاړ یم.

هغه لیکلي:
«۲ کاله کېږي له سیاليو لرې یم، کوم عاید نه لرم خو بیا مې هم د غریب ولس تر څنګ یم، د خپل توان مرسته ور سره کوم. ښه ژوند او معاش والا ملګري راته مېسېج کوي وايي چې یوه کورنۍ ده ډېره مجبوره ده او د خوراک څه نه لري که مرسته ورسره وکړې په داسې حال کې چې دوی به ورسره د ډېری مرستې وسه لري.»

هغه په وروستیو کي لیکلي، که چیري هیواد کي ټول شتمن وګړي د یو بل لاسنیوی وکړي، نو هیواد کي په هیڅ غریب پاتي نشي.

احمدولي هوتک د روژې میاشتي له پيله د یوه کمپاین په ترڅ کي خوراکي توکي راټولوي او بیا یې غریبو هیوادوالو ته وېشي.

ټاکل شوې وه احمد ولي هوتک د تیري اپرېل میاشتې په ۱۲مه نېټه د روسي سیال په وړاندې د لوبې ډګر ته کښته شوی وای، خو کرونا ویروس د یادې لوبې د ترسره کېدو مخنیوی وکړ.

احمد ولي هوتک تېر کال له امریکا څخه تر ځانګړو تمرینونو وروسته هیواد ته راستون شو، چي له راستنېدو سره سم د نامعلومو کسانو له لوري د چاقوګانو په وسیله ووهل شو او سخت ټپي شو.

اوس هغه بیرته تمرینونو او لوبو ته راستون شوی.

 

Advertisements

د لیکوال/ لیکوالې په اړه

محمد صابر حمیدي ، کندهار کې د یاران د کاري ټیم غړی

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ