افغانستان سپورټ کرکټ

افغان لوبډلې له بنګله‌دېشه تېر کال پر همدې ورځ ماتې وخوړه+ویډیو

Afghanistan's Hashmatullah Shahidi, left, bats during the one day international cricket match of Asia Cup between Bangladesh and Afghanistan in Abu Dhabi, United Arab Emirates, Thursday, Sept. 20, 2018. (AP Photo/Aijaz Rahi)

افغان کرکټ ملي لوبډلې د ۲۰۱۹م کرکټ نړیوال جام په سیالیو کې تېر کال پر همدې ورځ د بنګله‌دېش کرکټ ملي لوبډلې پر وړاندې ولوبېده، چې افغانستان د بنګله‌دېش څخه په ۶۲ منډو توپير ماتې وخوړه.

په یاده لوبه کې لومړی بنګله‌دېش توپوهنه وکړه. د دې هېواد لوبغاړو په ټاکلو ۵۰ اورونو کې د ۷ لوبغاړو په سوځېدلو سره افغانستان ته د ۲۶۳ منډو هدف وټاکه.

کله چې افغان کرکټ لوبډله د هدف پوره کولو لپاره میدان ته کښته شوه، نو د لوبې په ۴۷ اورونو کې یې د ټولو لوبغاړو په سوځېدلو سره ۲۰۰ منډې جوړې کړې او په دې سره یې د ۶۲ منډو په توپير د بنګله‌دېش څخه ماتې وخوړه.

د ۲۰۱۹م د کرکټ نړیوال جام په سیالیو کې دا د افغان کرکټ ملي لوبډلې ۷مه لوبه وه، چې تر دې مخکې یې اسټرالیا، سریلانکا، نیوزیلینډ، سویلي افریقا، انګلستان او هندوستان کرکټ ملي لوبډلو ته لوبې بایللې وې.

له هغه وروسته افغان کرکټ ټیم خپلې وروستنۍ دوې لوبې پاکستان، او ویسټ انډيز ته هم وبایللې.

افغان کرکیټ ملي لوبډلې د ۲۰۱۹م د کرکټ نړیوال جام په سیالیو کې خپلې ۹ واړه درلودونکې لوبې وبایللې.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ