مارچ 4, 2021

نوې طرحه؛ افغانستان د روباټ جوړونې مرکز جوړوي

افغان حکومت د یوه نوي پلان له مخې غواړي د روبات جوړونې یو مرکز جوړ کړي.
د دغه مرکز د جوړولو طرحه د افغانستان د مخابراتو او ټېکنالوژۍ وزارت چمتو کړې او د وزیرانو شورا غونډې ته یې وړاندې کړې ده.
تایید شوې طرحه
د ډاکټر عبدالله عبدالله په مشرۍ د حکومت اجرایه ریاست، چې هره دوشنبه د وزیرانو شورا د اونیزو غونډو کوربه وي، په یوه خبرپاڼه کې ویلي چې د روباټ جوړونې د مرکز جوړولو په اړه د مخابراتو او معلوماتي ټېکنالوژۍ وزارت دا نوې طرحه د ډاکټر عبدالله په مشرۍ د وزیرانو شورا تایید کړې ده.
سرچینه وایي یادې شورا طرحه بحث کړې او ارزولې ده.
مهمه اړتیا
افغان وزیرانو شورا د روباټ جوړونې د مرکز جوړول یوه مهمه اړتیا ګڼلې، خو ټینګار یې کړی چې مخابراتو وزارت دې په دې اړه د کابل او پولي تخنیک له پوهنتونونو سره په همغږۍ د یاد شوي مرکز پر جوړولو کار وکړي.
ننګونې څه دي؟
په افغانستان کې شدیده حکومتي بیروکراسي یا په عامه اصطلاح کاغذ پراني د داسې مبتکرو هڅو مخکې تر ټولو لوی خنډ ګڼل کیږي.
له دې وراخوا د روباټ جوړونې د ځای او فعالانو امنیت او تر دې هم مهم په حکومتي او غیر حکومتي کچه د دوی اقتصادي ملاتړ په دې برخه کې لویې ستونزې ګڼل کیږٍي.

د روباټ جوړونې مخینه
د افغانستان په لویدیز ولایت هرات کې لا له وړاندې د ښځینه زده کوونکو یوې ډلي د روباټ جوړونې په برخه کې ځینې نوښتونه کړي.
دا ډله په یوه سفر امریکا ته هم تللې، چې هلته یې د روباټ جوړونې په یوه نړیواله سیالۍ کې جوړ کړو روباټونو د سپینو زرو مډال ګټلی و.
د بې پیلوټه الوتکو ژمنه
په هرات کې د ښځینه روباټ جوړونکو د ډلې روزونکي علي رضا مهربان ژمنه کړې وه، چې که حکومت ورته د بې پیلوټه الوتکو د وسایلو د واردولو اجازه ورکړي او هم یې امنیت ونیسي، دوی د بې پیلوټه الوتکو جوړولو ته هم تیار دي.

امرخېل: مسؤلین به د وروستۍ پېښې عاملین نیسي یا به له دندې لرې کېږي

لیکوال: عاقله اسد - برخه : افغانستان

د ننګرهار والي وایي ددغه ولایت امنیتي چارواکو ته یې سپارښتنه کړې چې ژر تر ژره دې د درېیو وژل شوو ښځينه خبریالانو قاتلین نیسي او یا به له خپلې دندې استعفا کوي. نوموړي پر ... نور ولولئ