مارچ 6, 2021

افغان ۱۹ کلن ملي ټيم د سیالیو لپاره تاجکستان ته ولاړ

Advertisements

د مسئولینو په خبره د افغانستان د فوټبال ۱۹ کلنه ملي لوبډله په مرکزي آسیايي سیالیو کي د ګډون په موخه د چهارشنبې په سهار تاجکستان هیواد ته ولاړه.
د ۱۹ کلنو ترمنځ د فوټبال دا دوهم پړاو سیالۍ دي، چي د مرکزي آسیايي هیوادونو ترمنځ راتلونکې جمعې ورځ د تاجکستان په مرکز دوشنبې کي پېلیږي او تر ۶ ورځو دوام وروسته د رواني اګسټ میاشتي په ۱۵مه نېټه پاي ته رسیږي.
په دې سیالیو کي د افغانستان په ګډون ایران، تاجکستان، ازبکستان او ترکمنستان لوبیږي.
افغان ۱۹ کلنه فوټبال ملي لوبډله به خپله لومړۍ لوبه د راتلونکې جمعې په ورځ ماپښين ۴:۳۰ بجې د ترکمنستان په وړاندي، دوهمه لوبه به د راتلونکې شنبه پر عیني وخت د ازبکستان په وړاندي، درېیمه لوبه به راتلونکې دوشنبه ماښام ۷:۳۰ بجې د کوربه تاجکستان په وړاندي او څلورمه لوبه به بیا راتلونکې سې شنبه ماپښین پر ۴:۳۰ بجې د ایران په وړاندي ترسره کړي.
په دې سیالیو کي به دوه افغان لوبڅاران حلیم آقا شېرزاد او محمد شریف سروري په یو شمېر لوبو کي لوبڅاري هم وکړي.

یادو لوبغاړو ته د سفر پر مهال د فوټبال فدراسیون مسئولینو د ښه لوبېدو هیله وښوده.
د ۱۹ کلنو ترمنځ د مرکزي آسیايي سیالۍ داسي مهال ترسره کیږي، چي څو ورځي مخکي د ۱۶ کلنو ترمنځ هم د مرکزي آسیايي سیالۍ ترسره سوې.
په هغه کي افغانستان د دوو بریاوو، دوو ماتو او یوې لوبي په مساوي کولو سره څلورم مقام خپل کړ.
له افغانستانه ذکریا حسیني په ۳ ګولوهنو سره د یادو سیالیو ګولوهونکی لوبغاړی وټاکل سو.

د امریکا د بهرنیو چارو وازرات؛ اووه افغانو مېرمنو ته د زړورتیا جایزه ورکوي

لیکوال: نسیمه محمدي ، کابل - برخه : افغانستان

Advertisements تمه ده د امريکا د بهرنيو چارو وزارت د زړورو مېرمنو افتخاري جايزه، اووه افغانو ښځو ته ورکوي، چې په ٢٠٢٠م کې يې خلکو ته د خدمت په جريان خپل ژوند له لاسه ورکړى ... نور ولولئ