سپورټ

په هېواد کې له باوولینګ لوبې سره د مېرمنو لېوالتیا

لیکنه: محمد صابر حمیدي

په افغانستان کې د باوولینګ لوبې فدراسیون دوه کلونه کېږي، چې په رسمي توګه یې فعالیت پيل کړی، چې اوس د نارینه‌وو ترڅنګ مېرمنې هم زیاتې لېواله دي، چې دا لوبه وکړي.

شمایل الکوزۍ، چې د افغان باوولینګ ملي لوبډلې لوبغاړې ده وايي، د ښځو پر وړاندې له خنډونو سره ـ سره یې زړه ښه کړی، چې دا لوبه وکړي.

شمایل الکوزۍ له طلوع نیوز سره په خبرو کې زیاته کړه، چې په نړیوالو لوبو کې د ښځینه‌وو لوبغاړو ګډون دوی دې لوبې ته زیاتې هڅولې.

هغې وویل:

“د باوولینګ رشته یوه په زړه‌پورې شته ده. زه ۴ کلونه کېږي، چې دا لوبه کوم او دوه کلونه کېږي چې په رسمي ډول لوبېږم او اوس مې د باوولینګ ملي لوبډلې ته هم لاره موندلې. موږ هڅه کوو په دې لوبه کې پرمختګ وکړو او د هېواد په نامه اسیایي لوبو کې ولوبېږو.”

په افغانستان کې د باوولینګ لوبې فدراسیون وايي چې په دې وروستیو کې د ځوانانو علاقه دې لوبې ته زیاته شوې او دوی هم ورته په بېلابېلو برخو کې سیالۍ ترتیبوي.

د اسیا په سطحه د باوولینګ اتلولۍ لوبې په روانه جولای میاشت کې کېدې، خو د کورونا ویروس له امله د راتلونکي ۲۰۲۱م جنورۍ میاشتې ته وځنډېدې.

اسیایي سیالیو ته د نارینه‌وو ترڅنګ ښځینه لوبغاړو هم لاره موندلې ده.

د باولینګ فدراسیون په ۲۰۱۸ زیږدیز د هېواد المپیک ملي کمېټې په چوکاټ کې جوړ شو او له هغې مودې راهیسې ډېرې لاسته‌راوړنې لري.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ