سپورټ کرکټ

کرکیټ بورډ هستي ګل عابد له دندې لرې کړ!

د افغانستان کرکټ بورډ ادارې د کورني کرکټ پخوانی مدیر هستي ګل عابد د ۲۰۱۸م کال د غازي امان الله خان په لېسټ اې لوبو کې د جعلي لاسلیکونو، له لوبغاړو د مالیې ګرځولو او جېب ته اچولو، لوبغاړو ته د پيسو د نه ورکړې او په فساد کې د ښکېلتیا له امله له دندې ګوښه کړل شو.

افغان کرکټ بورډ په یوې خپره کړې اعلامیه کې ویلي، چي د کورني کرکټ پخوانی مدیر هستي ګل عابد د ۲۰۱۸م کال د غازي امان الله خان په لېسټ اې لوبو کې د جعلي لاسلیکونو، له لوبغاړو د مالیې ګرځولو او جېب ته اچولو، لوبغاړو ته د پيسو د نه ورکړې او په فساد کې د ښکېلتیا له امله له دندې ګوښه کړل شو.

د بورډ په خبره، هستي ګل تر دې مهاله له ادارې سره د ملي روزونکي په توګه دنده ترسره کوله چې له دې وړاندې یې له افغانستان کرکټ بورډ سره د کورني کرکټ د مسوول او په نورو بېلابېلو برخو دندې ترسره کړې دي.

افغان کرکټ بورډ په یادي خپره کړې اعلامیې کې ویلې، چې یاده پرېکړه د بشري سرچینو د اصولو د شپږمې مادې پر بنسټ نیول شوې چې پر بنسټ یې باید په فساد او اړوند مواردو کې د ښکېلتیا له امله د ادارې کارکوونکی له دندې ګوښه کېدلی شي.

بورډ ویلې، چې هستي ګل عابد په خپله هم پر پورته ذکر شوو مواردو اعتراف کړی او په یاد فساد کې ښکېلتیا یې منلې ده.

خو خپله هستي ګل عابد د کرکټ بورډ یاده پرېکړه غندلې ده او د ده په حق یې کرکټ بورډ ګرم بللی.

هغه ویلې، د حمدالله محب سره یې د لیدلو تر پوسټ یو ساعت وروسته د کرکټ بورډ ادارې هغه ته د لرې کولو خط لېږلی او هغه هم د واټساپ له لاري.

هستي ګل عابد چې د کریم صادق ورور دی د ویکپیډيا د معلوماتو له مخې هغه د افغان کرکټ ملې لوبډلې لپاره ۲ نړیوالي یو ورځنۍ او ۶ بیا لیست اې لوبې ترسره کړې دي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی پر دې سربیره د کندهار پوهنتون د ښووني او روزنې پوهنځی د پښتو څانګې د څلورم کال محصل دی او د ” زما“ راډیو خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ