اپریل 14, 2021

افغانستان: د مېرمنو د روږدوالي دلیل د کورنۍ د غړو له لاسه ورکول او ډېر غم دی

Advertisements

د افغانستان د روغتیا وزارت په حواله، په هېواد کې د روږدو کسانو شمېر دونيم ملیونه ته رسیږي، چې له دې جملې څخه شاوخوا ٨٥٠ زره یې ښځینه دي.

د وزارت چارواکي وايي، په هېواد کې هېڅ داسې ولسوالۍ نشته چې روږدي مېرمني پکې شتون ونه لري.

د عامې روغتیا وزارت د نشه یي توکو پر وړاندې مبارزې دفتر مرستیال، “عبد الشکور حیدري” بي بي سي ته ویلي: ډېری روږدي ښځې په شمالي او لویدیزو ولایتونو کې ثبت شوي دي.

د هغه په ​​وینا، هغه میرمنې چې د ژوند ملګري يا هم وروڼه يې د مخدره توکو کاروونکي دي؛ دوی یې دې ته اړ ایستلي، چې مخدره توکي وکاروي.

نوموړي ویلي، په افغانستان کې د مېرمنو روږدوالی یو بل دلیل د خپلو خواخوږو د لاسه ورکول او ډېر غم دی. روږدي کسان د نشه يې توکو په کارولو سره خپل غم او درد کموي.

له بلې خوا، کلیوالي میرمنې د مخدره توکو په کارولو سره سخت (شاقه) کار کوي، چې په دې توګه د کړاؤونو او درد احساس کموي.

په ټول هېواد کې د مخدره توکو د معتادینو د درملنې لپاره ٤٠٧٠ بستره شتون لري، چې له دې جملې څخه یوازې ١٨ سلنه یې د ښځو لپاره دي. د چارواکو په وینا ، د افغانستان په کلیوالو سیمو کې د روږدو ښځو شمېر د ښارونو په پرتله دوه برابره زیات دی.

د عامې روغتیا وزارت وايي، چې د معتادینو سره د مبارزې لپاره په کال کې یوازې یو ملیارد افغانۍ (١٣ملیونه ډالر) ځانګړې شوي دي.

په داسي حال کې چې افغانستان د نشه یي توکو ترټولو لوی تولیدونکی هېواد دی. او تر ټولو ډېر مصرفونکي پړاو ته د تګ یا ننوتلو په حال کې دى، د بده بخته د درملنې اسانتياوې د معتادینو د شمېر په پرتله ډېرې کمې دي.

ذهني نقشه؛ که د ازموینو پرمهال ترې استفاده وکړئ، ښې نمرې به ترلاسه کړئ

لیکوال: عایشه حیدري ، کابل - برخه : ځوانان او زده کړې

Advertisements ذهني نقشه یو ډیاګرام دی چې د نظرونو، فعالیتونو، یا نورو کلیدي ټکو یا مفکورو پورې اړوند توکو د څرګندولو ډیاګرام دی چې دا ډیاګرام د نظرونو او افکارو رامنځته کولو، تنظیمولو، او جوړښت ... نور ولولئ