د افغانستان د تکواندو نوې او ځوانه لوبډله اردن ته ولاړه

د مسئولینو په خبره د افغانستان د تکواندو نوي ځوان لوبغاړي د نوي ځوانانو ترمنځ په آسیايي سیالیو کي د ګډون په موخه پرون چهارشنبه اردن هیواد ته ولاړه.
دا به د نوي ځوانو لوبغاړو ترمنځ د تکواندو لسم پړاو سیالۍ وي، چي افغانستان به پکښي ګډون وکړي.
دا سیالۍ په آسیا لویه وچه کي د ټولو هیوادونو ترمنځ د رواني جولای میاشتي په ۲۱مه د اردن په امان ښار کي پېلیږي او د یادي میاشتي په ۲۲مه نېټه پاي ته رسیږي.
د افغانستان د بدني روزني عمومي ریاست چارواکي وايي، چي په دې سیالیو کي به د افغانستان ۹ لوبغاړي په ۹ بیلابیلو وزني کټګوریو کي سیالۍ ترسره کړي.
د دوی په خبره، چي د یادو لوبغاړو ترڅنګ د افغانستان تکوندو ملي فدارسیون مشر د لوبډلي د رئيس په توګه، مین سین هاک د لوبډلي د روزونکي په توګه، روح الله نیکپا د دوهم روزونکي په توګه او معروف قاسمي د لوبڅار په توګه د افغان لوبغاړو سره سفر وکړ.

 
د افغانستان د تکواندو لوبډله دې سیالیو ته پوره چمتوالی لري.
د ورکړل سوو معلوماتو له مخي، چي د افغانستان د تکواندو دې نوي ځوانو لوبغاړو د تیري دوو میاشتي راهیسي سهار او ماښام د مین سین هاک، روح الله نیکپا، محمد بشیر تره کي او معروف قاسمی له لوري تمرینونه کړي.
د یادولو وړ ده، چي د ځوانانو ترمنځ د تکواندو په تیر پړاو سیالیو کي له افغانستانه یوازي نثار احمد عبدالرحیم زي یو مډال د سپينو زرو خپل کړی وو.
هغه پړاو د قزاقستان په کوربتوب په ۲۰۱۷م کال کي ترسره سو.
راپور: صابر حمیدي

اروپايي ټولنه: افغانستان کې د طالبانو لخوا د زور حکومت په رسمیت نه پېژنو

by عاقله اسد in افغانستان

اروپايي ټولنه وايي دوی په افغانستان کې د زور له لارې رامنځ ته کېدونکی حکومت په رسمیت نه پېژني. د افغانستان لپاره د اروپايي ټولنې ځانګړي استازي توماس نکلسون په تازه مرکه کې ویلي دوی ... نور ولولئ