د پاکستان ليګ پاتې لوبې په عربي اماراتو کې ترسره کېږي
د پاکستان کريکټ سوپر لېګ چې د کرونا وېروس له کبله وځنډېدی د جون مياشتې په لومړۍ اونۍ کې يو ځل بيا پيلېږي.
د لوبو تر ځنډېدو وروسته ځينو لوبغاړو وويله چې که بياهم پاتې لوبې ترسره کېږي دوی پدې ليګ کې نه لوبېږي چې يو هم د هغوی له جملې څخه راشدخان وو،خو پاکستاني رسنيو خبر ورکړی چې راشدخان به بيرته د لاهور قلندرز لوبډلې لپاره ولوبېږي.
.Rashid Khan rejoins the @lahoreqalandars squad#HBLPSL6 #MatchDikhao
— PakistanSuperLeague (@thePSLt20) May 22, 2021
کوټي لوبډلې د بين کټينګ پرځای افغان چينامين ظاهر خان د ځان سره واخيستی خو د ډيويډ ملان پرځای تر اوسه اسلام اباد لوبډلې بل کوم لوبغاړی ندی اخيستی.
ملتان سلطان لوبډلې د بنګلدېشي محمدالله پرځای ويسټ انډېزی هيټماير اخيستی.
ټولې شپږ لوبدلې اجازه لري چې يو بهرنی او دوه کورني لوبغاړې د ځان سره ولوبوي،خو که چېري نور لوبغاړي هم اخلي نو عمرونه يې بايد د ۱۸ څخه د ۲۰ کلونو ترمنځ وي.
د افغان لوبغاړو څخه نجيب الله ځدران او نور احمد د کراچي کينګز لپاره،راشدخان د لاهور قلندرز لپاره،رحمن الله ګربز د ملتان سلطان لپاره او ظاهر خان د کوټې ګلاډياټورز لوبډلې سره لوبېږي.