سپورټ فوټبال وزش او تمرین

هرات د افغانستان فوټسال غوره لیګ اتلولي خپله کړه

لیکنه: محمدصابر حمیدي

د افغانستان فوټسال غوره لیګ سیالۍ د لسو لوبډلو ترمنځ شپاړس ورځې مخکې په کابل کې پيل شوي وې، چې په پایله کې پرون شنبه د هرات اتحاد لوبډلې په اتلولۍ سره پای ته ورسېدې.

د هرات اتحاد لوبډلې سره پایلوبې ته د کابل صداقت لوبډلې لاره پیداکړې وه، چې د هرات اتحاد لوبډلې په یاده پایلوبه کې ۵ ګولونه پر ۳ د کابل صداقت لوبډلې ته ماته ورکړه او لومړی مقام یې وګاټه.

 

د دې لیګ جایزې

ځوانمردانه لوبډله د بغلان خراسان لوبډله ونومول شوه.

جواد صفري د هرات اتحاد لوبډلې څخه د یادو سیالیو غوره ګول ساتونکی وټاکل شو.

جواد حیدري د هرات اتحاد لوبډلې څخه د یادو سیالیو غوره لوبغاړی ونومول شو.

سید مهدي هاشمي بیا د کابل صداقت لوبډلې څخه د یادو سیالیو زیات ګولوهونکی لوبغاړی وټاکل شو.

په دې سره د هرات اتحاد لوبډلې د اسیا په سطحه د فوټسال سیالیو ته لاره پیداکړه، چې راتلونکې کې به د افغانستان په استازیتوب پکې ولوبیږي.

د لیکوال/ لیکوالې په اړه

محمد صابر حمیدي ، کندهار

محمد صابر حمیدي په کندهار کې د یاران د کاري ټیم غړی دی. نوموړی د کندهار پوهنتون د ښووني او روزنې پوهنځی د پښتو څانګې څخه فارغ شوی. په کندهار کې د ” زما“ راډیو سره په خبري برخه کې کار کوي. صابر د فوټبال لوبغاړی دی. یاران ته په سپورټي، ټولنیزو او نورو برخو کې لیکنې او مطالب چمتو کوي. په یاران کې د نوموړي د ټولو لیکنو د بیا خپرولو حق له یاران سره خوندي دی.

تبصره مو ولیکئ